Lim vazirligi guliston davlat universiteti

Sirg’ali tuman 1967 yili tashkil topgan. U Toshkentning janub tomonida alohida joylashuv xususiyatiga ega; shimolda Yakkasaroy va Mirobod tumanlari bilan tutash. Aholisi 153,9 ming kishidan iborat (2001 i). Maydoni bo’yicha Toshkent shaxrining 15,8 foizi, aholisining esa 7,2 foizini tashkil qiladi.
Toshkent sanoat majmuida sanoat mahsuloti xajmiga ko’ra Sirg’ali tumanining ulushi 7,0 foizga teng. 2000 yili sanoat mahsuloti ishlab chiqarish xajmi 1999 yilga nisbatan 110,6 foizga o’sgan. Sanoat mahsuloti xajmida nodavlat sektorining ulushi 75,3 foizga teng (22-jadval).
Tumanda jami 34 sanoat korxonasi mavjud. Asosiy sanoat korxonalari jumlasiga mebel va «Elektromash» ishlab chiqarish birlashmalari, sun’iy va tabiiy charm zavodlari, temir-beton konstruktsiyalari, aviaryomont, maxsus mebel zavodlari kiradi.
Sirg’ali tumani Toshkent shaxrida Bektemir tumanidan keyin oliy o’quv yurti joylashmagan ikkinchi tuman hisoblanadi. Tumanda 2 o’rta maxsus o’quv yurti, 28 o’rta maktab, 2 kasalxona bor.
Sobir Rahimov tumani—Toshkent shaxrining shimoli-g’arbida 1970 yili tashkil etilgan. Aholisi —279,6 ming kishiga teng (2001 i.).
Ushbu tumanda Toshkent sanoat majmuasining 4,7 foiz mahsuloti yaratiladi. Sanoat mahsuloti xajmi 2000 yili 1999 yilga nisbatan 133,7 foizga o’sgan. Tumanda jami 55 sanoat korxonasi bor: «Mikond», «Agregat», «Podshipnik», «Kom­pressor», tajriba-mexanika, ekskavator ryomonti, chinni zavodlari, «Toshkentmarmar», «Toshkent» mebel ishlab chiqarish birlashmalari, bosh kiyimlar fabrikasi eng yirik korxonalar hisoblanadi.
Tuman hududida 15 ilmiy-tadqiqot va loyihalash institutlari, Mustaqil davlatlar hamdo’stligidagi yirik oliy o’quv yurtlaridan biri bo’lgan O’zbekiston Milliy universiteti, Toshkent Davlat texnika universiteti, 2-Toshkent tibbiyot instituti, 6 o’rta maxsus o’quv yurtlari joylashgan.
Hozirgi kunda tumanda 42 ta o’rta maktab, 2 ta akademik litsey, 20 dan ortiq davolash-profilaktika muassasalari ishlab turibdi. Madaniy muassasalardan Yosh tomoshabinlar teatri, Respublika tabiat muzeyi joylashgan.