Lim vazirligi guliston davlat universiteti

Transport va tashqi iqtisodiy aloqalari. Toshkent shaxrida transportning temir yo’l, avtomobil, xavo, shahar elektr transporti kabi turlari yaxshi rivojlangan.
2000 yilda tashilgan yuklarning umumiy xajmi 63238,7 ming tonnani tashkil etib, yuk oboroti 6672 mln.t.km ga teng. Jami tashilgan yuklarning 80,9 foizi avtomobil, 19,0 foizi temir yo’l hamda 0,1 foizi xavo transporti xissasiga to’g’ri keladi.
Jami tashilgan passajirlar soni 1055152,4 ming kishini tashkil etdi. Passajirooborot—12842,1 mln. pass, km ga teng. Passajir tashishda avtomobil transporti 72,3 foizini, shaxar elektrtransporti 26,5 foizini tashkil qiladi.
Toshkentda 1977 yildan metro qatnovining yo’lga qo’yilishi yo’lovchi tashishda juda katta qulayliklarni yaratdi.
Toshkent shaxri 2000 yilda Toshkent iqtisodiy rayoni tashqi savdo oborotining 72,7 foizni o’zida mujassam etdi. Shaxar tashqi savdo oborotida importning ulushi eksportdan ustun, ya’ni 61,2 foizga teng. Keyingi yillarda import xajmi qisqarib, eksport xajmining biroz o’sishi kuzatilmoqda.
Toshkent shaxri tashqi savdo oborotining 54,2 foizi «Uzoq» xorij va Boltiqbo’yi davlatlari ulushiga, qolgan qismi esa hamdo’stlik mamlakatlariga to’g’ri keladi.
Ichki tafovutlari. Toshkent shaxrida joylashgan barcha 11 ma’muriy tumanlar iqtisodiy, ijtimoiy va demografik salohiyatlari bo’yicha o’zaro tafovutlarga ega. Ular orasida iqtisodiy salohiyati, ya’ni yirik sanoat korxonalari va sanoat ishlab chiqarish xajmi bo’yicha eng qudratlisi Hamza tumanidir. Ayni vaqtda, Yunusobod, Mirobod, Yakkasaroy, Chilonzor tumanlari ishlab chiqarish salohiyatlaridan tashqari, muhim ma’muriy-siyosiy xususiyatlarga ham ega. Chunonchi, aynan ushbu tumanlar hududida mamlakat boshqaruvining oliy organ va tashkilotlari joylashgan.
Yirik temir yo’l va avtostantsiyalar hamda aeroportning joylashganligi Mirobod, Hamza, Sirg’ali, Yakkasaroy, Chilonzor tumanlarini Toshkent shaxrining tashqi iqtisodiy, siyosiy va madaniy aloqalarida muhim ahamiyatga ega ekanligini belgilab beradi.