Lim vazirligi guliston davlat universiteti

Aholiga maishiy xizmat ko’rsatish. Bu tarmoq xizmat doirasining eng murakkab yo’nalishli sohasidir. Maishiy xizmat ko’rsatish tarmog’i moddiy ishlab chiqarish (ayniqsa sanoat) bilan xizmat doirasi chegarasida o’rnashgan. Unda amalga oshiriladigan ish jarayonlari ko’p hollarda sanoat xarakteriga ega. Shuning uchun ham maishiy xizmat ko’rsatish korxonalari odatda ikki guruhga bo’linadi: a) maishiy xizmatning ishlab chiqarish xarakteriga ega bo’lgan turlari; b) maishiy xizmatning ishlab chiqarish xarakteriga ega bo’lmagan turlari.
Birinchi guruh maxsus buyurtmalar bo’yicha kiyim va poyabzal tiqish hamda tamir qilish, radio va televidenie apparatlarini, maishiy sovitgichlar va kir yuvish mashinalari va uskunalarni, transport vositalarini tamirlash, metaldan buyumlar yasash va ularni tamirlash, mebel tayyorlab berish va tamirlash, kiyimlarni va boshqa mahsulotlarni kimyoviy yo’l bilan tozalash, bo’yash, trikotaj kiyimlarini maxsus buyurtmalar bo’yicha tiqish, uy-joylarni tamirlash va qurib berish, ijaraga berish punktlari kiradi.
Ikkinchi guruhga esa sartaroshxonalar, hammomlar, suratxonalar, kir yuvadigan punktlar xodimlarining xizmati kiradi.
O’zbekistonda xizmatlarni sotish hajmi qiyosiy narxlarda 1995 yilda 17,7 mlrd. so’mni, 2005 yilda 1610,0 mlrd. so’mni tashkil etdi. Aholiga pullik xizmatlar bozorida nodavlat sektori ulushi 74,3 %, davlat sektori ulushi 23,7 foizga teng bo’ldi. Pullik xizmatlar umumiy hajmida maishiy xizmatlar hajmi 15 % yoki 242,1 mlrd. so’mdan iborat bo’ldi. Maishiy xizmatlarning 87,7 foizi xususiy tadbirkorlar tomonidan ko’rsatildi. Respublikada aholi jon boshiga pullik xizmatlarning o’rtacha yillik hajmi 2005 yilda 61,3 ming so’mni tashkil etdi (200 yilda 12,3 ming so’m, 2004 yilda 47,3 ming so’m) (23-jadval).
23-jadval. O’zbekiston Respublikasida aholiga pulli xizmatlar ko’rsatish

	2000	2002	2003	2004	2005
Pulli xizmatlar, mlrd. so’m	305,4	709,3	934,8	1226,6	1609,7
shu jumladan:
mulkchilik shakllari bo’yicha
davlat mulki	133,6	278,7	290,5	351,4	414,2
nodavlat mulki	171,8	430,6	644,3	875,2	1195,5
undan:
fuqarolarning xususiy mulki	110,4	266,3	396,6	939,9	755,1

(mlrd. so’m, amaldagi narxlarda)