Lim vazirligi guliston davlat universiteti

Nazorat savollari:
1.Transportning respublika iqtisodiyotidagi ahamiyatini mazmunan izohlab bering?
2. Temir yo’l va avtomobil transportini tushuntirib bering?
3. Havo transporti to’g’risida ma’lumot bering?
4. Suv transportini mazmunan izohlab bering?
5. Quvur transportini tushuntirib bering?
6. O’zbekistonda qanday transport turlari yaxshi rivojlangan?
7. Mamlakat transportida qaysi transport turi muhim o’rin tetadi?
8. Temir yo’l transporti qachon vujudga keldi?


14-mavzu: O’zbekiston ijtimoiy-madaniy tarmoqlar geografiyasi


Ko’rib chiqiladigan asosiy savollar:
1. Ijtimoiy-madaniy tarmoqlar haqida tushuncha. Uy-joy kommunal xo’jaligi.
2. Savdo va umumiy ovqatlanish, aholiga maishiy xizmat ko’rsatish.
3. Nomoddiy ishlab chiqarishning boshqa sohalariga ta’rif.


Mavzuga oid tayanch tushuncha va iboralar: Xizmat ko’rsatish geografiyasi, nomoddiy ishlab chiqarish, uy-joy fondi, pullik xizmatlar bozori, ijtimoiy-madaniy xizmat ko’rsatish tarmoqlari, madaniy-ma’rifiy xizmat ko’rsatish.


1-asosiy savol bayoni: Ijtimoiy-madaniy tarmoqlar majmuasi aholiga maishiy ahamiyatga ega xizmatlar ko’rsatish bilan shug’ullanuvchi faoliyat turlari majmuidan iborat bo’lib, ular jumlasiga ta’lim, madaniyat, sog’liqni saqlash, uy-joy kommunal xo’jaligi, savdo va umumiy ovqatlanish, ijtimoiy xizmat ko’rsatish va boshqalar kiradi. Ushbu xizmatlarni ishlab chiqarish va iste’mol qilish natijasida ma’naviy boy va jismoniy sog’lom kishilarni shakllantirish imkoniyati kengayadi.
Mazkur majmuaning O’zbekiston iqtisodiyotidagi roli va ahamiyati oshib bormoqda. Bu eng avvalo, uning YaIM va jami bandlardagi ulushining o’sayotganligida o’z aksini topadi. 2004 yil Respublikamiz iqtisodiyoti tarmoqlarida band bo’lgan jami aholining 21,1 foizi ijtimoiy-madaniy tarmoqlar majmuasi hissasiga to’g’ri kelgan.
Ijtimoiy sohaning samarali ishlashi uning barcha asosiy tomonlari kompleks rivojlantirilishiga bog’liq. Aholi uchun ularning hammasi ham bir xilda ahamiyatli emas. Bular orasida uy-joy qurulishi muhim soha hisoblanadi. Uy-joy fondi shunday asosiy jihatki, ijtimoiy sohaning boshqa bo’g’inlari va tomonlarini rivojlantirish hamda joylashtirish shunga asoslangan holda rejalashtiriladi.