Личинка хордалилар (Urochordata) ¸ки šобиšлилар (Tunicata) кенжа типи

Odamlar (Hominidae) oilasiga hozirda yashab turgan birdan-bir aqlli odam (Homa sapiens) turi kiradi. Miyasi odamsimon maymunlar miyasiga qaraganda 3-4 barobar katta bo`ladi, jag’i va tishlari kuchli taraqqiy etgan. Jun qoplag’ichi reduktsiyalangan, umurtqa pog’onasi to`g’rilanib, bo`yin, ko`krak va bel bukilmasi hosil qilgan, oyog’ida gumbazsimon tovoni bor. Shu tariqa, u yugurganida va yurganida umurtqa pog’anasi bilan oyoqlari xuddi prujinadek ishlaydi, shunga ko`ra miya qutisining ichida turadigan miya silkinmaydi. Odamning oyog’i qo`liga nisbatan uzun va baquvvat, qo`li pastga tushirilganda tizzasiga yetib bormaydi. Tanasi vertikal holda turadi. Iyagi oldinga turtib chiqqan. Odam 200 dan ortiq hidni sezadi.
Shunday qilib, aqlli odam zoologiya sistematikasi nuqtai nazaridan xordalilar (Chordata) tipiga, umurtqalilar (Vertebrata) kenja tipiga, to`rtoyoqlilar (Tetrapoda) katta sinfiga, sutemizuvchilar (Mammalia) sinfiga, yuksak darrandalar (Eutheria) yoki yo`ldoshlilar (Placentalia) kenja sinfiga, primatlar (Primates) turkumiga, maymunlar (Simia) kenja turkumiga, tor burunli maymunlar guruhiga, odamlar (Hominidae) oilasiga, odam (Homo) avlodiga va aqlli odam (Homo sapiens) turiga kiradi. Odamsimon maymunlardan gorilla va ayniqsa shimpanze harakatlanishi va ichki tuzilishiga ko`ra odamga ancha o`xshash bo`ladi. Odamsimon maymunlarning qon guruhlari ham odam qon guruhiga o`xshab to`rt guruhga bo`linadi. Ularning odamga o`xshash belgilariga yana tishlari, buyragi, o`pkasining tuzilishi, ko`richak o`simtalarining bo`lishidir. Odamlarga o`xshab gripp, sil va odamlar uchun xos bo`lgan boshqa kasalliklar bilan kasallanadi. Shu sababli ham odam odamsimon maymunlar bilan birga bitta turkumga kiritiladi.
Lekin odamga hayvon deb qarash mutlaqo noto`g’ri, chunki ijtimoiy hayot, mehnat va nutqning rivojlanishi odam evolyutsiyasining eng muhim omillaridan biri hisoblanadi. Odam barcha jonzotlarning eng yuqori pog’onasida turadigan mavjudot, ijtimoiy jarayonlar sub`yektidir. Odam ijtimoiy mehnat asosida shakillangan tafakkur va nutqqa ega bo`lishi, mehnat qurollari yasashi va atrof muhitga faol ta`sir ko`rsata olishi bilan boshqa tirik mavjudotlardan farq qiladi.