Личинка хордалилар (Urochordata) ¸ки šобиšлилар (Tunicata) кенжа типи

Ter bezlari naychasimon va ularning ichki qismi tugunaksimon. Ular bevosita teri yuzasiga yoki jun xaltachasiga ochiladi. Bu bezning epiteliy hujayralari ter ishlab chiqaradi. Terning 97-99% ni suv tashkil qiladi. Bu suvda mochevina va kreamin, yog’ kislotasi va tuz erigan holda bo`ladi. Ter bezlari suv va parchalanish mahsulotlarini tashqariga chiqarish va tana yuzasini sovutish vazifasini bajaradi. Ter ajralishini bosh va orqa miyalarning issiqlik markazi boshqarib turadi. Ter bezlari primatlarda va tuyoqlilarda yaxshi rivojlangan, itlar, mushuklar va kemiruvchilarda nisbatan sust rivojlangan. Kemiruvchilarda ter bezlari kaftlarida bo`ladi. Kitsimonlar, yalqov va yasherlarda ter bezlari rivojlanmagan.
Yog’ bezlari uzum boshi shaklida bo`lib, deyarli hamma vaqt jun xaltachasining voronkasiga ochiladi. Yog’ sekreti terini va junni moylab, ularni qurib qolishdan va ho`l bo`lishdan saqlaydi. Yog’ bezlari ayniqsa kitsimonlarda, kurakoyoqlilarda, sovuq iqlimda yashovchi darrandalarda va qishki uyquga ketuvchi sutemizuvchilarda yaxshi rivojlangan.
Hid bezlari shaklan o`zgargan ter va yog’ bezlaridan yoki har ikkala bez qo`shilishidan hosil bo`ladi. Hid bezlari Amerika skunslari (Mephitis) va suvsarlarda kuchli rivojlangan. Muskus bezlari kabarga, vixuxol, qunduz va ondatralarda ham bo`ladi. Bu bezlar hayvonlarni bir-birini topishda va o`zlarini himoya qilishda muhim ahamiyatga ega. Hid bezlari maxsus xaltachalarga ochiladi. Suvsarsimonlarda hid bezlari orqa chiqaruv qismida joylashgan. Bu bezlar sekreti qo`lansa hidga ega bo`lib, hayvon o`zini – o`zi himoya qilishda foydalanadi. Ba`zi sutemizuvchilarda hidli bezlar har xil jinslar bir-birlarini axtarib topishda yordam beradi. Masalan: erkak kabargalarda qorin qismida maxsus qopchada, bobrlarda, ondatralarda dumlari tagida maxsus hid bezlari bor, kavsh qaytaruvchilardan - bug’ularda, qo`ylarda, kiyiklarda ko`z yosh xaltachalari va echkilarning tuyoqlarida ham hidli bezlari bor. Bu bezlar tuyoqning bir-biriga surkalib ishqalanadigan yuzasini yog’lash uchungina xizmat qilmay, balki izlarida hid qoldirib bir - birini axtarib topishida ham yordam beradi.