Личинка хордалилар (Urochordata) ¸ки šобиšлилар (Tunicata) кенжа типи

Suyakdor baliqlar (Teleostei) katta turkumi. Shu`laqanotlilar kenja sinfining ko`pchilik turlari suyakdor baliqlar katta turkumiga mansub bo`lib, hozirgi vaqtda mavjud bo`lgan baliqlar turining qariyib 95% ni tashkil qiladi. Bu katta turkumga 40 dan ortiq turkumlar kiradi.
Seldsimonlar (Clupeiformes) turkumi. Bu turkumga eng sodda tuzilgan suyakdor baliqlar kirib, bosh skeletining asosiy qismi tog’aydan iborat. Seldsimonlar barcha suzgich qanotlarining shu`lalari yumshoq va bo`g’imli bo`lishi bilan ajralib turadi. Seldsimonlarning qorin suzgich qanotlari birmuncha uzoqda, ya`ni qorin tomonida joylashgan. Yon chiziq organlari bo`lmaydi, ammo jabra qopqog’ida sensor naylari yaxshi rivojlangan. Havo pufagi hayoti davomida qizilo`ngach bilan ulangan bo`ladi. Tangachalari sikloid tipda tuzilgan. Seldsimonlar 40 mingdan 280 mingtagacha tuxum qo`yadi. Seldsimonlar uncha yirik bo`lmagan baliqlardan hisoblanadi. Ularning uzunligi, asosan 7 sm dan 45 sm gacha, ayrimlari 75 sm gacha boradi. Bu turkumning 3 ta oilasi (seldlar, anchouslar, dorabalar) va 300 taga yaqin turi ma`lum. Eng muhim oilalaridan biri seldlar (Clupeidae) oilasi hisoblanadi. Seldlar oilasiga tropik, iliq, ba`zan sovuq suvli dengiz va okeanlarda yashaydigan 100 dan ortiq tur baliqlar kiradi. Ular to`da bo`lib pelagik yashaydi, planktonlar bilan oziqlanadi. Ba`zi seldlar ko`payish va uvildiriq tashlash uchun daryolarga ham kiradi. Seldlar keng tarqalgan. Ular, asosan dengizlarda yashaydi. Arktikadan to Subantarktikagacha bo`lgan barcha dengizlarda uchraydi, ayniqsa tropik suvlarda ko`plab yashaydi. Dunyoda, shu jumladan, MDHda ovlanadigan baliqlarning 37% ni seldlar tashkil qiladi. MDHdagi suvlarda seldlar oilasidan Atlantika seldi yoki shimol seldi (Clupea harengus) Shimoliy va Uzoq Sharq dengizlarda tarqalgan. Puzanok (Caspialosa caspia) Kaspiy dengizida uchraydi. Bu baliq ikra tashlash uchun Volga va Ural daryolariga katta-katta to`da bo`lib o`tadi. Tinch okean seldi (Clupea pallasi) Oq va Barents dengizlarida tarqalgan (62-rasm).