Личинка хордалилар (Urochordata) ¸ки šобиšлилар (Tunicata) кенжа типи

43-rasm. Аkulaning qon aylanish sistemasi sxemasi: 1–yuragi, 2–qorin aortasi, 3–olib keluvchi
jabra arteriyasi, 4–olib ketuvchi jabra arteriyasi, 5–аоrta ildizi, 6–uyqu aortasi, 7–orqa aortasi, 8–dum venasi, 9–keyingi cardinal vena, 10–oldingi cardinal vena, 11–kyuvyerov kanali (oqimi), 12–jigar qopqa venasi, 13–jigar venasi, 14–yonbosh venasi.

Arterial konus hamda yurak qorinchasining devorlari ko`ndalang targ’il muskuldan, qorin aortasi va boshqa tomirlarning devori esa silliq muskuldan tashkil topgan.

Qorin aortasi chap va o`ng tomonga tarmoqlanadi. Bu tarmoqlar tananing har tomonidan besh juft jabralarga qon olib keluvchi jabra arteriyalariga bo`linadi. Qon olib keluvchi arteriyalarning bir qismi til osti yoyiga borib, jabraning yarim bo`lagini, qolganlari esa haqiqiy jabra yoylariga borib, barcha jabralarni qon bilan ta`minlaydi. Olib keluvchi jabra arteriyalari jabra yaproqlarida mayda kapillyarlarga bo`linib ketadi va ularningyupqa devori orqali gaz almashinadi.
Kislorodga boy toza arterial qon olib ketuvchi arteriyalarga yig’ilib, umurtqa pog’onasi tagidagi orqa aortaga qo`shiladi. Orqa aortadan chiqqan qon tomirlari esa toza qonni butun tanaga tarqatadi. Venoz qon dastlab akulaning boshidan bir juft oldingi kardinal venaga, dum va tanadan esa keyingi kardnial venalarga yig’iladi. Keyingi kardinal venalar buyrakdan o`tib, uning ichida bir qancha kapillyarlarga bo`linadi va buyrak qopqa (darvoza) sistemasini hosil qiladi. Yurakning yuqorisida har qaysi (o`ng va chap) keyingi kardinal vena oldingi kardinal vena bilan qo`shilib, juft kyuvyerov kanalini hosil qiladi. Bu kanal qonni venoz qo`ltig’iga o`tkazadi. Juft suzgich qanotlardan yon venalar chiqadi, bularning har qaysisi o`z tomonidagi kyuvyerov kanaliga qo`shiladi. Jigar qopqa venasi mustaqil ravishda ichakdan boshlanadi. Bu vena jigarda oldin kapillyarlarga bo`linadi, keyin ular birlashib, venoz sinusiga (qo`ltig’iga) quyiladigan jigar venasiga aylanadi.
Nerv sistemasi. Tog’ayli baliqlarning bosh miyasi to`garak og’izlilar va suyakli baliqlar bosh miyasiga nisbatan ancha yaxshi rivojlangan. Bu birinchi navbatda tog’ayli baliqlarda oldingi miya yarimsharlari va miyachasining yirikligidan dalolat beradi.
A