Личинка хордалилар (Urochordata) ¸ки šобиšлилар (Tunicata) кенжа типи

Qoziqdum skatlar (Dasyatidae) oilasi vakillarida dumining o`rtasida bitta yoki bir nechta uzun qilichsimon ninasi bo`ladi. To`garak shaklidagi ko`krak suzgichlari boshining oldida tutashib ketgan. Skat o`zini himoya qilganida dumidagi ninasi bilan uradi. Ninasining uzunligi 33-37 sm gacha boradi. Janubiy va mo`tadil dengizlarda tarqalgan. Qoziqdum skatlar oilasining 35 ta turi bor. Ayrim turlarida tikanlarning soni 4 ta bo`lib, bu tikanlarining asosida zahar bezi bo`ladi. Bu bezlardan zahar tikanlar orqali oqib o`lja tanasiga o`tadi. Qoziqdum skatlar erkaklarining uzunligi 70 sm, urg’ochilarniki 2,3-2,5 m gacha boradi. Ular 400 m chuqurlikda ham uchraydi.
Suvda tez suzadi, anal va orqa suzgichlari yo`q, terisi yalang’och. Bu skatlar tuxumdan tirik tug’ib ko`payadi. 4 tadan 12 tagacha tug’adi. Qoziqdum skatlar baliqlar va qisqichbaqasimonlar bilan oziqlanadi. Qoziqdum, ya`ni dengiz mushugi (Dasyatis pastinaca) Qora va Azov dengizlarida, shuningdek, G’arbiy va Sharqiy Afrika hamda Yevropa sohillarida tarqalgan. Bu baliq vitaminli baliq yog’i olish maqsadida ovlanadi. Go`shti ham iste`mol qilinadi.
Elektr skatlar (Torpedinidae) oilasi vakillarining tanasi yumaloq, rostrumi (tumshug’i) bo`lmaydi, ko`zlari kichik. Dumi kalta, suzgichlari sferik shaklda. Tanasi yalang’och. Tanasining ikki yonida ko`krak suzgichlari bilan boshi oralig’ida elektr organi joylashgan. Bu organ shaklan o`zgargan muskul to`qimasidan iborat. Har bir elektr organi vertikal joylashgan teri katakchalariga o`xshaydigan yuzlab ustunchalardan iborat. Ustunchalarning orasi g’ovak to`qima bilan to`lgan. Har bir ustuncha elektr batareyasiga o`xshash quyuq modda bilan to`ldirilgan 350-400 disklardan iborat. Har qaysi plastinkada orqa miya nerv tarmoqlari ta`sirida elektr zaryadi hosil bo`ladi.
Skat hosil qilgan elektr razryadi 8 dan 220 voltgacha yetadi. Elektr skatlar dengiz tubida kam harakat qilib yashaydi. Hamma okeanlarning subtropik va tropik qismida uchraydi. Elektr skatlar oilasiga 30 ga yaqin tur kiradi, uzunligi 2 m gacha boradi. Ular tuxumdan tirik tug’adi va juda ham kichik bo`lgan 4 tadan 10 tagacha tug’adi.
Oddiy elektr skat (Torpedo marmorata) Atlantikaning sharqiy sohillarida va O`rta yer dengizida keng tarqalgan. Asosan suv ostida yashaydi.