Mundarija kirish i-bob. Akulalar tuzilishi xususiyatlari

MUNDARIJA

KIRISH

I-BOB. Akulalar tuzilishi xususiyatlari

1. 
   Oq akula: xususiyatlari, ko'payishi, oziqlanishi..........
   
2. 
   Oddiy akula turlari va ularning tuzilishi, xususiyatlari.........
   

II-BOB. Akulalarning tarqalishi va ahamiyati

2.1 Pishgan akula - Frilled shark tarqalgan joyi va ahamiyati...........

2.2 Tana, mushak va skeletning anatomik xususiyatlari...................

Xulosa

Foydalanilgan adabiyotlar

Kirish

Turli suv havzalarida yashash sharoiti har xil bo‘ladi. Hatto bitta suv havzasi ning turli qismida ham sharoit bir xil bo‘lmaydi. Yashash sharoiti va oziq tarkibining xilma-xilligi, o‘zaro raqobat, dushmanlarning ko‘p bo‘lishi baliqlar tuzilishi va fe’l-atvorining turlicha bo‘li shiga olib kelgan. Shuning uchun ham dengiz tubida yashovchi baliqlar sekin harakatlanadi, tanasi yassi bo‘lganidan yirtqich hayvonlar ularni sezmaydi. Rang-barang korall riflari orasida hayot kechiradigan baliqlarning rangi ham xilma-xil va chiroyli bo‘ladi. Dengiz va okeanlarning juda chuqur joyida yashaydigan baliqlarning yog‘du taratadigan a’zolari bo‘ladi. Suvning yuza qismida, ayniqsa, ochiq dengizlarda yashaydigan baliqlarning muskullari va suzgichlari, xususan, dum suzgichi kuchli rivojlanganligidan ular tez suzadi. Gavdasining suyri shakli esa suzishni osonlashtiradi.

Tog’ayli baliqlar sinfi. Tog’ayli baliqlarning skeleti tog’aydan iborat bo’lib, jabra qopqoqlari va suzgich pufaklari bo’lmaydi. Jabra yoriqlari 5-7 juft bo’ladi. Tog’ayli baliqlar akulalar va skatlar turkumini o’z ichiga oladi.

Akulalar turkumi. Akulalar ancha yirik, tanasi torpedasimon, dum suzgichi juda kuchli rivojlangan.

Akulalarning kattaligi har xil bo’lgan 250 turi ma’lum. Ular orasida uzunligi 40 - 45 sm boigan tikanli akula eng kichigi, uzunligi 15 m keladigan gigant akula yoki 18 m ga yetadigan kit akulasi eng yirik hisoblanadi. Lekin bunday bahaybat akulalaraing tishlari juda mayda bo’lib, ular mayda qisqichbaqasimonlar va baliqlar bilan oziqlanadi.