Личинка хордалилар (Urochordata) ¸ки šобиšлилар (Tunicata) кенжа типи

Juft suzgich qanotlar skeleti suzgich qanotlar kamari bilan erkin suzgich qanot skeletidan tashkil topgan. Oldingi suzgich qanotlar kamari yoki yelka kamari (40-rasm) akula gavdasining ikki yonidan va ostki tomonidan o`rab oladigan yarim halqa shaklidagi tog’aydan iborat.
Har qaysi yarim halqa o`rtasining yon tomonida birikish bo`rtmasi bor, erkin suzgich qanot shu bo`rtmaga birikadi. Kamarning shu bo`rtmadan yuqori qismi kurak, pastki qismi esa korakoid bo`lim deb ataladi.
Erkin suzgich qanotlar skeleti xuddi toq suzgich qanotlar skeleti singari ichki tog’ay skeletidan va teridan hosil bo`lgan tashqi skeletdan tuzilgan. Erkin suzgich qanotlar skeletining asosida biriktiruvchi o`simtaga birikkan uchta yapaloq asosiy bazal tog’aylar joylashgan. Bazal tog’aylardan pastda uch qator tayoqchasimon radialiyalar bo`ladi. Suzgich pallasining qolgan qismini bir qancha elastik iplar ushlab turadi.
C
41-rasm. Akulalar chanoq kamari va qorin suzgichining skeleti: A - urg`ochi akulaning qorin suzgich qanoti, B - erkak akulaning qorin suzgich qanoti:
1-chanoq kamari, 2-qorin suzgich qanotining bazal tog`aylari, 3-radial tog`aylar, 4-erkak akulaning qorin suzgich qanoti bazal tog`ayining kopulyativ o`simtasi,
5-elastik iplar.
hanoq kamari kloaka teshigi oldidagi muskul qatlamida ko`ndalang joylashgan toq tog’ay plastinkadan iborat (41-rasm). Uning uchlariga qorin suzgichining skeletlari birikadi. Qorin suzgichida yolg’iz ikkita juft bazal elementi bor. Bulardan bittasi juda uzun bo`lib, unga bir qator radial tog’aylar birikadi. Suzgich qanotining qolgan qismlarini elastik iplar tutib turadi. Erkak akulalarning bazaliyasi yanada uzayib otalantirish – kopulyativ organga aylangan.
Muskullari. Tog’ayli baliqlarning muskullari ham xuddi jag’sizlarnikiga o`xshash miomerlardan hamda ularni ajratib turuvchi mioseptalardan iborat. Gavdaning ayrim organlarida maxsus muskullar paydo bo`lgan. Masalan: ko`z, jabra va juft suzgich qanotlarining muskullari hosil bo`ladi. Tog’ayli baliqlarning jag’ va jabra yoylarida ko`ndalang targ’il muskullar paydo bo`ladi va bu muskullar jag’larni va jabra yoylarini boshqarib turadi.
Akulalarning, ayniqsa dum muskullari kuchli rivojlangan. Suzgichlari, jabra apparati va jag’larni harakatga keltiruvchi muskullar ham yaxshi rivojlangan.