Личинка хордалилар (Urochordata) ¸ки šобиšлилар (Tunicata) кенжа типи

Nafas olish organlari. Akulaning har bir jabra yorig’ining bir uchi halqumiga, boshqa uchi esa tashqariga ochiladi. Jabra yaproqlari jabra yoriqlarining oldingi va keyingi devoriga qator o`rnashgan. Baliqlarning jabra yaproqlari ektodermadan kelib chiqqan. Jabra yaproqlari har qaysi qator jabraning yarim bo`lagini hosil qiladi. Jabraning ikkita yarim bo`lagi birgalikda yaxlit jabrani vujudga keltiradi. Shunday qilib, akula boshining har qaysi tomonida hammasi bo`lib to`rtta jabra va uning bitta yarim bo`lagi (til osti yoyi) bor. Jabralarning orasida va oxirgi jabraning orqasida, bir tomoni to`g’ridan-to`g’ri halqumga, ikkinchi tomoni bevosita tashqariga ochiladigan jabra yoriqlari bor. Jabra yoylaridan esa jabralararo to`siqlar chiqadi, bu to`siqlar bir jabraning ikkita yarim jabrasini ajratib turadi. Bu to`siqlarni tog’ay shu`lalar tutib turadi.
Tog’ayli baliqlar nafas olganda halqumi kengayadi va og’iz teshigi orqali halqumga suv kiradi. Suv jabra yaproqlarini yuvib, tashqi jabra bo`shlig’iga o`tadi. Bunda suv bosimi tashqaridan jabralararo to`siqni qisadi va jabralararo to`siq tashqi jabra yoriqlarini bekitadi. Nafas chiqarilganda jabra yoylari ikkala tomondan o`zaro yaqinlashadi, bunda halqumning hajmi kichrayadi, jabra yaproqlari bir-biriga yaqinlashib, suvning halqumga qarab oqishiga to`siq bo`ladi. Tashqi jabra bo`shlig’ida suv bosimining oshishi jabralararo to`siqning klapanlarini ko`taradi va suv tashqariga oqib chiqadi. Bu jarayonni halqum devoridagi muskullar va jabra muskullari bajaradi.
Qon aylanish sistemasi. Akulaning yuragi ikki kamerali: yurak bo`lmasi va yurak qorinchasidan iborat. Yurak bo`lmasiga venoz (sinusi) qo`ltig’i, yurak qorinchasining oxirgi qismiga arterial konus tutashadi (43-rasm). Qon venalardan venoz qo`ltig’iga yig’iladi. Venoz qo`ltig’idan yupqa devorli yurak bo`lmasiga, so`ngra qalin devorli muskulli yurak qorinchasiga quyiladi. Yurak qorinchasi muskulli devorining qisqarishi tufayli qon arteral konusga o`tadi. Arterial konusdan qorin aortasi boshlanadi.