Laboratoriya mashg’ulotlari tuzuvchilar

Texnokimyoviy tarozida tortish qoidalari:

1. 
   Tarozi pallasiga issiq, ho`l va iflos buyumlarni qo`yish man etiladi.
   
2. 
   Tarozida tortiladigan buyumni to`g`ridan-to`g`ri, tarozi pallasiga emas, balki stakancha, byuks, soat oynasi yoki qog`ozga qo`yib tortish kerak.
   
3. 
   Tortiladigan buyum tarozining chap pallasiga, toshlar esa o`ng pallasiga qo`yiladi.
   
4. 
   Tortiladigan moddalarni va toshlarni tarozi pallariga qo`yganda yoki ularni olganda tarozining shayini tartibsiz harakatga kela boshlaydi, bunday holatdan qutulishi uchun tarozini arretirlash lozim.
   
5. 
   Tarozi toshlarni qo`l bilan emas, faqat pinset bilan olish kerak.
   
6. 
   Birgina tajribaga tegishli bo`lgan tortish ishlarini faqat bitta tarozida va bir qutichadagi toshlardan foydalanib bajarish lozim.
   
7. 
   Tortish vaqtida tortilayotgan moddaning massasiga qarab tarozi pallasiga tartib bilan avvalo katta toshlarni, so`ngra kichikroq toshlarni qo`yish kerak.
   
8. 
   Toshlarni tarozi pallasidan olgandan keyin, darhol ularni qutichadagi o`z o`rniga qo`yish kerak. Toshlarni stolga qo`yish yaramaydi, chunki ifloslanib massasi ortadi.
   
9. 
   Tortish vaqtida toshlarni boshqa qutichadan olish mumkin emas.
   
10. 
    Tarozi muvozanatga kelgandan keyin u arretirlanadi, so`ngra toshlarning massasi hisoblanib, qiymati yozib quyiladi. Toshlarni tarozi pallasidan olayotganda massa to`g`ri hisoblanganligini yana bir marta tekshirib ko`rish kerak.
    
11. 
    Tarozida tortib bo`lingandan so`ng unda xech narsani qoldirmaslik lozim.
    

Analitik tarozi

Analitik tarozi texnokimyoviy tarozidan aniqligi va juda sezgirligi bilan farq qiladi. Shuning uchun katta aniqlik bilan (0,0002-0,0001 grammgacha) tortish talab qilinganda analitik tarozidan foydalaniladi (2-rasm).

2-rasm. Analitik tarozi:
1-vintli tanyach oyoklar, 2-vertikal strelka, 3-tarozi pallalari,
4-arretir, 5-sterjen, 6-darajalar, 7-harakatlantiruvchi vint.

Analitik tarozi, odatda, alohida xonaga o`rnatiladi. Bu xonada havoning namligi va harorati doimo o`zgarmasligi kerak. Tortiladigan namuna dastavval texnokimyoviy tarozida, so`ngra yetarli aniqlikkacha analitik tarozida tortiladi.

Talabalarga analitik tarozida ishlashga faqat o`qituvchi yoki laborantlar nazorati ostidagina ruxsat etiladi.