Lab ishlanma. An kim-12

3-tajriba.
Fosfat angidridning hosil bo‘lishi va uning xossalari 
Ishning bajarilish tartibi.
1) Asbestlangan sim to‘r ustiga qo‘yilgan 
chinni kosachaga 0,5 g qizil fosfor solib, uni qizdirilgan shisha tayoqcha bilan o‘t 
oldiring. 
Yonib turgan qizil fosfor ustiga toza va quruq shisha voronkani 
to‘nkarib tutib turing. Bunda fosforning yonishidan hosil bo‘lgan qorsimon oq 
kristall modda-fosfat angidrid voronka devoriga o‘tirib qoladi. Voronkani 
shtativdagi toza probirkaga o‘rnating.
2) Tajribadagi shisha voronka devoriga o‘tirib qolgan fosfat angidrid
bir ozdan keyin namlanib, mayda tomchilar hosil qilishini kuzating.
Fosfat angidridning atmosfera havosidagi suv bug‘i bilan birikib 
kislota hosil qilishiga to‘liqroq ishonch hosil qilish uchun shisha bankadagi fosfat 
angidriddan plastmassa qoshiqcha bilan no‘xat kattaligida olib, uni havoda 2-3 
minut qoldiring. Shu vaqt ichida fosfat angidrid havodagi namni tortib oladi va 
qoshiqchani to‘nkarganda ham to‘kilmaydigan massa hosil qiladi.
Vazifalar. 
Reaksiya tenglamasini yozing.
Xulosalarni daftaringizga yozing. 
 
4-tajriba. Fosforni oksidlab fosfat kislota olish 
Ishning bajarilish tartibi.
Chinni kosachani shtativ halqasiga 
o‘rnating. Unga no‘xat kattaligida qizil fosfor solib, ustiga konsentrlangan nitrat 
kislota (d-1,4) eritmasidan 5-6 ml quyib, qizdiring. Shunday qilingki, qizil 
fosforning hammasi reaksiyaga kirsin. Agar fosfor ortib qolsa yana ozroq nitrat 
kislota eritmasidan qo‘shib qizdirishni davom ettiring. Fosforning hammasi 
reaksiyaga kirishgandan keyin, ortiqcha nitrat kislota bo‘lmasligi uchun eritmani 
bug‘lating. Qoldiqni suv bilan suyultirib, erima kuchsiz kislotali muxitga ega 
bo‘lguncha soda eritmasidan quyib chayqating.
Vazifalar. 1)
Tajriba natijasiga qarab qanday kislota hosil bo‘lganligi va 
yana qanday moddalar hosil bo‘lishi haqida xulosa chiqaring. 2)Reaksiya 
tenglamasini yozing. 
Xulosalarni daftaringizga yozing.