L. S. Karieva makroiqtisodiyot

 
UDK: 330.101.542 (075.3) 
BBK 65.012.1 YA73 
Taqrizchilar: 
Mo‘minov N.G.- i.f.n. prof. “Iqtisodiyot nazariyasi” kafedrasi (O‘zMU) 
Saidkarimova M.I.- i.f.n. dosent “Sanoat iqtisodiyoti va menejmenti” kafedrasi (ToshDTU) 
 
 
 

---

3 
KIRISH 
Fanning asosiy vazifasi talabalarga makroiqtisodiy muammolarni o‘rganish 
uchun tahliliy apparatlardan foydalanish, turli xil makroiqtisodiy jarayonlar haqida 
batafsil tasavvurga ega bo‘lish, miqdoriy muammolarni hal qilish ko‘nikmalarini 
chuqurlashtirish, zamonaviy makroiqtisodiy rivojlanish va uni qo‘llashning yangi 
yo‘nalishlari to‘g‘risida tushunchani kengaytirish, iqtisodiy tafakkurni kengaytirish 
va davlatning makroiqtisodiy siyosati mazmunini tahlil qilish qobiliyatini 
shakllantirish to‘g‘risida keng iqtisodiy mulohazalar yuritishni va uni amalda 
tadbiq etish yo‘llarini o‘rgatishdan iborat. 
Makroiqtisodiyot fani milliy iqtisodiyotni rivojlanish qonuniyatlari uning ichki 
munosabatlar tizimini yaxlit holda o‘rganadi. Makroiqtisodiy ko‘rsatkichlar, 
iqtisodiy o‘sish, iqtisodiyotni davriyligi, inflyasiya, ishsizlik, iqtisodiy siyosat, foiz 
stavkasi, narxlar, davlat byudjetining daromadlari va xarajatlari bilan bog‘liq 
muommolar makroiqtisodiyot qismida ko‘rib chiqiladi. 
Makroiqtisodiyot fanining amaliy yo‘nalishi talabalarning makroiqtisodiy tahlil 
usullari va vositalarini amaliyotda qo‘llay olish ko‘nikmasini, davlatning 
makroiqtisodiy siyosati mazmunini tahlil qilish va umumlashtirish qobiliyatini 
shakllantirishdan iborat. Zamonaviy taraqqiyot jarayonlari iqtisodchi kadrlardan 
makroiqtisodiy nazariya va eng zamonaviy makroiqtisodiy kontseptsiyalar bilan 
yaxshi tanish bo‘lishni, makroiqtisodiy tahlil malakasiga, nazariy bilimlarni 
amaliyot bilan bog‘lash ko‘nkmalariga ega bo‘lishni talab etadi. Yuqoridagi 
fikrlardan 
kelib 
chiqib 
makroiqtisodiy 
jarayonlarning 
qonuniyatlarini,
muammolarni makroiqtisodiy siyosat yuritgan holda ularni hal qilish yo‘llarini 
turli modellar vositasitalariga tayangan holda o‘rganadi. Bu esa mamlakatimizni 
milliy iqtisodiyotini modernizatsiya qilish davrida mutaxasislarga qo‘yiladigan 
muxim talablardan biri hisoblanadi.
Shuningdek, 
“
Makroiqtisodiyot” boshqa amaliy iqtisodiy fanlarni o‘zlashtirish 
uchun zarur bo‘lgan nazariy asosni ham ta’minlab beradi. 

---

4