L. S. Karieva makroiqtisodiyot

Makroiqtisodiyot 
- bu iqtisodiyot fanining butun iqtisodiyotni boshqarish 
qonunlarini ochib beradigan, moddiy ne’matlarni ishlab chiqarish, taqsimlash, 
almashtirish va iste’mol qilish bilan bog‛liq milliy munosabatlarni o‛rganadigan 
bo‛limi. Makroiqtisodiyotda umumiy miqdorlar (yalpi talab, yalpi taklif, 
narxlarning umumiy darajasi, ishsizlik va boshqalar) ishlatiladi. 
Makroiqtisodiyotni o‛rganishning ahamiyati quyidagilarda ifodalanadi: 
- u nafaqat makroiqtisodiy hodisa va jarayonlarni tavsiflaydi, balki ular 
o‛rtasidagi qonuniyat va bog‛liqlikni aniqlaydi; 
- makroiqtisodiy bog‛liqliklar va munosabatlarni bilish iqtisodiyotdagi mavjud 
vaziyatni baholashga va uni yaxshilash uchun nimalar qilish kerakligini, 
avvalambor, siyosatchilar nimani o‛z zimmalariga olishi kerakligini ko‛rsatishga, 
iqtisodiy siyosat tamoyillarini ishlab chiqishga imkon beradi; 
- makroiqtisodiyotni bilish kelajakda jarayonlarning qanday rivojlanishini 
bashorat qilish, ya’ni kelajakdagi iqtisodiy muammolarni taxmin qilish imkon 
beradi. 
Makroiqtisodiyot umumiy iqtisodiy nazariyaning bo‛limi hisoblanib, unda 
milliy xo‛jalik darajasida iqtisodiyotning fundamental muammolari tadqiq 
qilinadi. 
Makroiqtisodiy nazariyaning ikki ko‛rinishi o‛zaro farqlanadi: 
a) pozitiv makroiqtisodiyot; 
b) normativ makroiqtisodiyot. 
Pozitiv makroiqtisodiyot
real iqtisodiy hodisalarni va ularning aloqadorliklarini 
o‛rganadi. 
Normativ makroiqtisodiyot
esa qaysi sharoitlar yoki jihatlar maqbul yoki 
nomaqbul ekanligini belgilaydi, harakatning aniq yo‛nalishlarini taklif etadi. 
Shu 
joyda 
iqtisodiy 
nazariyaning 
ikki 
mustaqil 
bo‛limi 
sifatida 
makroiqtisodiyot va mikroiqtisodiyot fanlarining predmetlarini o‛zaro farqlab 
olishimiz zarur. 

---

8