Kurash с (105 R) Pechatga p65

KURASHCHINING SILJISH USULLARI
VA ORALIQ MASOFA
Xususiy vazifa: turli masofalarda turib, yakka holda siljishga
o‘rgatish. Kurashchilarning taktik niyatlariga qarab siljish. Harakat
usullari turlicha: yaqin, o‘rta va uzoq masofalardan turib o‘tka-
zilishi mumkin.

---

59
Yaqin masofa – kurashchilar bir-birlariga bevosita tegib
turadilar.
O‘rta masofa – kurashchilar bir-birlarini uzatilgan qo‘l ma-
sofasida ushlab oladilar.
Uzoq masofa – kurashchilar ushlasha olmaydilar, bir-
birlaridan chamasi 1,5-2 metr oralig‘ida turadilar.
Masofadan tashqari – kurashchilar bir-biridan ko‘proq ma-
sofa narida turadilar.
Juftlama qadam bilan oldinga, orqaga va tomonlarga siljish
usullarini namoyish qilish trenerga yuzi bilan qaragan holda
ikki qatorga o‘tkaziladi.
Harakat va uni bajarishga oid topshiriq
1-topshiriq. 
Chap o‘ng turish holatidan bitta-bitta juftlama
qadam tashlab 1 daqiqa mobaynida oldinga siljish, keyin orqaga
turib to‘g‘ri qadam tashlab qaytish.
Metodik ko‘rsatmalar:
– oyoqlarni chalishtirmay, orqada turgan oyoqni yerga oyoq
uchi bilan qo‘yish;
– oyoqlarni uncha keng ham, uncha tor ham qo‘ymagan
holda biroz bukib turish;
– oyoqni taxminan tovon kengligida qo‘yish.
2-topshiriq. 
Oldinga, orqaga, chapga va o‘ngga yakka qadam
bilan siljish. Qadamni dastlab bir maromda tashlash, keyin esa
ritmni o‘zgartirish – goh tez, goh o‘rtacha, goh sekin sur’atda
qadam tashlash. Topshiriq ikki daqiqa mobaynida bajariladi.
Metodik ko‘rsatmalar:
– siljiyotganda sherigiga ahamiyat berib borish, u bilan to‘q-
nashib ketmaslikka intilish;
– sur’at va ritmni buzib, qadam uzunligini o‘zgartirish,
goh kichik, goh o‘rtacha, goh katta qadam tashlash;
– qo‘llarni pastga tushirmasdan turib, go‘yo sherigini ushlab
turganday harakat qilish.
3-topshiriq. 
Yakka holda siljishni turli xilda birlashtirib tako-
millashtirish.
Uzoq masofada bir-biriga qarama-qarshi ikki qatorga saf-
lanish.

---

60
Birinchi raqamlilar masofani saqlashga harakat qiladilar,
ikkinchi raqamlilar esa masofani buzadilar. Topshiriq 1 daqiqa
mobaynida bajariladi, so‘ngra raqamlar almashinadi.