Korxonalar faoliyatini boshqarishning nazariy asoslari

Qarorni amalga oshirish. Qarorni qabul qilish va vazifalarni ijrochilar o`rtasida taqsimlashning o`zi bilan uni muvaffaqiyatli amalga oshirib bo`lmaydi. Buning uchun bajarilishi lozim bo`lgan ishlarni va amalga oshirish muddatlarini aniqlashtirish, kerakli moddiy, mehnat va moliyaviy resurslarni jalb etish hamda ular faoliyatini muntazam ravishda boshqarib, muvofiqlashtirib turish talab etiladi. Agar muammo yetarlicha jiddiy, ko`p mablag` va vaqt talab etsa, alohida dastur ishlab chiqish mumkin.

Nazorat va natijalarni baholash. Rahbar xodimlar doimo qarorlarni bajarilishi ustidan muntazam nazorat o`rnatishi, zarurat tug`ilganda tegishli yordam ko`rsatishi va vaziyatga qarab muayyan tuzatishlar kiritib borishi lozim bo`ladi. Bu bosqichning eng muhim elementlaridan biri rejalashtirilgan va haqiqatda erishilgan natijalarni baholash jarayonidir.

Boshqaruv qarorlariga qo`yiladigan asosiy talablar quyidagilardan iborat:

• 
  qabul qilinadigan qarorning demokratik xarakteri;
  
• 
  aniq vazifalarni yechishga yo`naltirilganligi;
  
• 
  ilmiy asoslanganligi;
  
• 
  qisqa va lo`ndalik;
  
• 
  qarorni bajarish tezkorligi.