Korxonalar faoliyatini boshqarishning nazariy asoslari

Tashkiliy qarorlar korxona faoliyatining biror sohasiga oid ishlarni yo`lga qo`yish maqsadida qabul qilinadi. Ularga korxonani tashkil etish to`g`risida shirkat muassislarining yig`ilishi qarorini misol qilib keltirish mumkin.

Tartibga soluvchi qarorlar biror vaziyatda u yoki bu faoliyatni amalga oshirish yo`llari va vositalarini belgilab beradi. Ularga turli nizomlar, yo`riqnomalar, ish tartiblari, grafiklar, norma va normativlarni misol qilib keltirish mumkin.

Muvofiqlashtiruvchi qarorlar odatda muvofiqlashtiruvchi komissiyalar va kengashlar yoki korxona rahbarlari tomonidan biror ish turini birgalikda amalga oshiradigan turli bo`linmalar faoliyatini muvofiqlashtirib turish hamda ijro etuvchilar o`rtasida vazifalarni taqsimlash maqsadlarida qabul qilinadi.

Faollashtiruvchi qarorlar boshqaruv obyektida ishlar sifatini yaxshilash va jadallashtirish maqsadida rahbarlar tomonidan turli mukofotlashlar, taqdirlashlar va boshqa rag`batlar ko`rinishida amalga oshiriladi.

Nazorat etuvchi qarorlar oldin qabul qilingan boshqaruv qarorlarining ijro etilishi va natijalarini baholash maqsadida qabul qilinadi.

Qabul qilinish shakliga ko`ra jamoaviy, kollegial va yakkaboshchilik asosida qabul qilingan qarorlarni ajratib ko`rsatish mumkin.

Jamoaviy qarorlar korxonaning barcha jamoasi tomonidan yakdillik bilan yoki ko`pchilik ovozi bilan qabul qilinadi. Bunga xo`jaligi a’zolarining umumiy yig`ilishi qarorlarini misol qilib keltirish mumkin.

Kollegial qarorlar ma’lum bir boshqaruv organi yoki komissiyalar va kengashlar majlislarida mutaxassislar tomonidan muhokama asosida ko`pchilik ovoz bilan qabul qilinadi.

Yakkaboshchilik asosidagi qarorlar korxona rahbari yoki mutaxassislar tomonidan ko`pchilik ovoziga qo`ymasdan, yakka tartibda qabul qilinadi.

5.