Конституция – халқ фаровонлиги ва юрт тинчлиги асоси конституция шахс, жамият ҳамда давлат манфаатларини таъминлаш кафолати

Ҳаракатлар стратегияси – янги Ўзбекистоннинг ҳаракатлантирувчи кучи

Ҳаракатлар стратегияси янги Ўзбекистонни тез суръатлар билан ўзгараётган замон руҳига монанд жадал ривожлантириш, янгиланиш модели сифатида мамлакатимизнинг барча жабҳаларини такомиллаштиришнинг ҳам илмий-назарий, ҳам амалий–конструктив пойдеворидир. Ҳаракат сўзининг ўзиёқ янгиланишга даъват, катта ижтимоий, иқтисодий ва интеллектуал ўзгаришлар, шиддат билан илгариланиш даъвати саналади. “Ҳаракат сўзининг ўзи араб тилидан “жойидан силжитмоқ”, “қўзғатиб юбормоқ”, “таъсир кўрсатмоқ”, “ўзгартирмоқ”, “яхшиламоқ” деган маъноларни ифодаласа, бу сўз бирор бир “хайрли ишни бошламоқ”, “шуғулланишга фаол киришмоқ”, “оғир, аммо муҳим вазифаларни бажаришга астойдил ёндашмоқ” деган маъноларга ҳам эга.

Ўзбекистон Республикаси Президенти Шавкат Мирзиёев томонидан 2017 йил 7 февраль куни қабул қилинган Фармон асосида 2017‒2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси тасдиқланди. Айтиш мумкинки, Ҳаракатлар стратегияси мамлакатимизни беш йилга режалаштирилган ислоҳотлар тизимидир.
Ҳаракатлар стратегияси давлат ва жамиятнинг ҳар томонлама ва жадал ривожланиши учун шарт-шароитлар яратиш, мамлакатимизни модернизация қилиш ҳамда ҳаётнинг барча соҳаларини либераллаштириш бўйича устувор йўналишларни амалга оширишга замин яратди.
Ҳаракатлар стратегияси жамият ҳаётининг барча соҳалари учун
“йўл харитаси”га айланди. Унинг асосида мамлакатимизда сўнгги тўрт йил давомида улкан ўзгаришлар содир бўлди. Жаҳон ҳамжамияти нигоҳида Ўзбекистоннинг имиджи ўзгариб, унинг инвестициявий жозибадорлиги ортиб бормоқда.
Ўтган тўрт йил давомида Конституциямизнинг деярли қўлланиб келинмаётган ёки эътибордан четта қолган нормаларини инсон манфаатларини кўзлаган ҳолда қўллашга жиддий эътибор қаратилди.
Назаримда, бу борада қуйидагиларни алоҳида таъкидлаб ўтиш зарур.
Биринчидан, анча йиллар давомида шу юртда яшаб унинг ривожига ҳисса қўшиб келаётган шахслар Ўзбекистон Республикаси фуқаролигини олиш истагида тегишли тартибда мурожаат этганларига қарамай уларнинг талаблари деярли қондирилмас эди.