1."Илмий-тадқиқот методологияси" фанининг предмети, методи ва вазифаларини изохлаб беринг. «Илмий тадқиқот методологияси»

1."Илмий-тадқиқот методологияси" фанининг предмети, методи ва вазифаларини изохлаб беринг. «Илмий тадқиқот методологияси» фанининг мақсади– магистрант талабаларга илмий тадқиқотларнинг асосий тушунчалари, таърифлари, усуллари ва босқичлари ҳақида назарий билимларни бериш, уларни илмий тадқиқотларни олиб бориш методологияси, экспериментларни бажариш усуллари, олинган натижаларини ишлаб чиқиш ва таҳлил этиш методлари, уларни расмийлаштириш ва амалиётга татбиқ этиш усуллари билан таништиришдан иборатдир. Ушбу фанни ўзлаштирган талаба ўз илмий соҳаси бўйича илмий тадқиқот ишларини бажариш, магистрлик диссертацияси мавзуси бўйича илмий изланишларни олиб бориш методларини, тажриба натижаларини таҳлил қилишни, хулосалар чиқаришни, амалиётга тадбиқ этишни, ўрганилаётган объектнинг математик моделини тузишни ўзлаштириб олади.Фан ёки курс борлиқдаги объектларни ўрганиш учун ҳаракат қилади. Ўз объектини, предметини, муаммосини танлайди. Ўқитиладиган барча фан ва курслар ушбу жараёнсиз ўз мавқеига эга бўлаолмайди. Илмий ижод методологияси ҳам бундан истисно эмас. Боз устига шиддат билан ўтаётган замон фалсафий фанларни қайтақайта ўрганишга мажбур қилаётир. Айниқса, унинг методологик ва назарий жиҳатларига замон талаблари асосида ёндашишга ундамоқда. Шу мунособат билан магистратура таълими жараёнига киритилган илмий ижодни фалсафий тушунишга, унинг моҳиятини, мазмунини чуқур англашга жалб этади. Ижод турлари, айниқса илмий ижод турлари серқиррадир. Маълумки, фалсафа ва фанда, уларнинг тарихида ижод муҳим ўрин тутган. Тадқиқотчи ўз фаолиятида ўзи танлаган мавзу, муаммонинг тарихини билмай туриб, янги фикрни беролмаслиги табиий ёки ижодда назарий ва амалий муаммоларни тушунмасдан туриб изланишга киришиш, келажакда тадқиқотчини боши берк кўчага олиб кириши эҳтимолдан узоқ эмас. Жумладан, буюк мутаффакирлар томонидан ижоднинг назарий жиҳатларини ишлаб чиқилганлигини ўрганиш ва замонавий ижодлар билан таққослаш, албатта зарур. Бу ўз навбатида турли камчиликлардан холи қилади. Илмий ижодда усуллар муаммоси мавжуд. Илмий тадқиқотда прогнозлаштириш, илмий башорат қилиш, далил ва далиллаш, ижодда диалектика ва синергетика, тилнинг ўрни, тилни формаллаштириш, мантиқ, ахборот тизимларининг глобаллашиши ва ижод.