Конституция – халқ фаровонлиги ва юрт тинчлиги асоси конституция шахс, жамият ҳамда давлат манфаатларини таъминлаш кафолати

1991 йилдан 2016 йил декабргача 482 киши Ўзбекистон фуқаролигини олган бўлса, 2016 йил декабрдан 2020 йилгача бўлган муддатда бундай шахслар 15 000 минг нафарни ташкил этди. Бундан ташқари, жорий йилнинг март ойида янги таҳрирда қабул қилинган “Ўзбекистон Республикасининг фуқаролиги тўғрисида”ги Қонунга биноан 1995 йил 1 январга қадар Ўзбекистонда яшаб келган 50 000 фуқаролиги бўлмаган шахслар Ўзбекистон Республикасининг фуқароси деб тан олинди.
Иккинчидан, ўзингиз гувоҳ бўлиб турганингиздек бугун оммавий ахборот воситаларининг эркинлиги ҳар қачонгидан ҳам юқори даражага кўтарилган. Ушбу ҳолат оммавий ахборот воситалари вакиллари билан бирга фуқароларимиз учун ҳам фикр юритиш ва сўзлаш ҳуқуқларидан эркин тарзда фойдаланишга шарт-шароит яратиб бермоқда. Шу мақсадда, амалдаги норматив-ҳуқуқий ҳужжатларга журналистик фаолиятни ҳимоя қилиш ва оммавий ахборот воситаларини эркинлиги кафолатларига қаратилган тегишли ўзгартиш ва қўшимчалар киритилди. Ҳаракатлар стратегияси одамларни очиқлик, ошкоралик, шаффофлик муҳитида яшаш ва ишлашга давъат этади. Ҳар бир соҳа фаолияти кучли таъсир кучига эга бўлган жамоатчилик назорати остида кучади. Бундай муҳитда инсоннинг давлат, жамият ва ўзи олдидаги тўғрилиги, ҳалоллиги, сўзи билан иш бирлигига риоя этиш фазилатлари асосий мезон сифатида намоён бўлади.
Б угунги кунда анъанавий ахборот воситалари билан бирга Интернет, ижтимоий тармоқлар, блогерлар жамоатчилик фикрини шакллантиришда катта роль ўйнамоқда. Натижада оммавий ахборот воситалари ва ижтимоий тармоқлар мансабдор шахсларни ўз ишини қонуний асосда тўғри ташкил этишга ундамоқда, керак бўлса мансабдор шахслар уларни фикри билан ўртоқлашишга мажбур бўлмоқдалар.
Президентимиз томонидан Ўзбекистонда жамоатчилик назорати ва оммавий ахборот воситалари вакилларининг қонуний ҳақ-ҳуқуқларига ҳеч қандай шаклда тазйиқ ўтказишга йўл қўйилмаслиги ҳақида бир неча маротаба таъкидланганлиги ҳам ушбу соҳадаги ислоҳотларни қанчалик демократик модернизация қилишда муҳим эканлигидан далолат беради.