Kirisiw. O’siw h’a’m rauajlanıwdın’ ulıwma nızamlıqları. Реже: Adam organizminin’ bir pu’tinligi

Тийкарғы яки сына тәризли сүйек
Тийкарғы сүйек (os sphenidale) тақ сүйек болып мий қутысының тийкарында жайласқан. Оның денеси ҳәм үш жүп өсиги болады. Денеси көп қырлы иши бос болып бул бослық мурын бослығына тутасады. Денеси еңсе сүйегиниң тийкарғы бөлими менен сүйек жәрдеминде биригеди. Денесиниң үстинги бөлиминде батықлық шуқырша болып ол түрк ери деп аталады. Бунда гипофиз бези жайласқан. Денеден жоқарға ҳәм сыртқа бир жуп каналы шығады. Оның шығыў жеринде, тийкарында көриў нервлери өтетуғын каналлар бар.
Елек тәризли сүйек
Елек тәризли сүйек (os ehmoidale) тақ сүйек. Оның бир бөлими гелле сүйегиниң мий бөлимине қалған бөлими жүз бөлимине киреди. Тийкарынан елек тәризли көриниске ийе болып тик жайласқан пластинкадан ибарат. Елек тәризли пластинка маңлай сүйегиниң көз бөлимлериниң арасында болады. Тик пластинка елек тәризли пластинкаға перпендикуляр жайласып жоқарыда өсикти төменде мурын тосығының арқа бөлимин пайда етеди. Тик пластинканың қаптал тәрепинде елек тәризли сүйектиң лабиринтлери жайласады. Ҳәр бир лабиринт сыртқы тәрепи көз кесесиниң ишки дийўалы пайда болыўында қатнасатуғын жуқа сүйек пластинка менен оралып турады.
Жоқарғы жақ сүйеги
Жоқарғы жақ сүйеги (maxilla) жуп сүйек, ол өзиниң тийкарғы бөлимине ийе болып денесинен төрт өсик маңнай, бет, альвеола ҳәм таңлай өсиклери шығады. Денесиниң иши бос болып бул бослық мурын бослығына тутасады. Денесиниң жоқарғы жүзи көз кесасы шуқырлығына ишки жүзи мурын бослығына арқа жүзи төменги жаққа ҳәм таңлай шуқыршасына қараған болады. Алдыңғы жүз, жүз тәрепке қараған болып, онда ит шуқыршасы, ҳәм көз асты нерви өтетуғын тесик анық көринеди.
Төменги жақ сүйеги
Төменги жақ сүйеги (mandibula) таға формаға ийе болып, денеси ҳәм еки тармағы бар. Денесиниң алдыңғы тәрепинде ийек дөңлиги раўажланған, оның еки тәрепинде ийек тесиклери болып, олардан қан тамырлары өтеди. Сүйек денесиниң жоқары тәрепинде жайласатуғын альвеола өсиги бар. Денеден жоқарыға мүйеш пайда етип тармақлар шығады. Мүйешлердиң ишки, сыртқы тәреплери гедир будыр. Тармақлардың ушы 2 айры буўын, ҳәм өткир өсик пенен тамамланады.