Kirisiw. O’siw h’a’m rauajlanıwdın’ ulıwma nızamlıqları. Реже: Adam organizminin’ bir pu’tinligi

Еңсе сүйеги
Еңсе сүйеги (os ocсipitaIe) мий қутысының арқасында төменги бөлиминде жайласқан тақ сүйек ол 4 бөлимнен: тийкарғы еки шетки ҳәм пәлле бөлиминен қуралған. Бул төрт бөлими үлкен еңсе тесиги әтирапында болып оны орап турады. Еңсе сүйегиниң шетки бөлиминде бир жуп буўын жүзеси дөңшелери болып олар биринши буўын омыртқасындағы буўын жүзине биригеди. Буўын дөңшелери үстинде канал болып, бас мийден келетуғын тил асты нерви усы каналдан өтеди. Еңсе сүйеги пәлле бөлиминиң ишки жүзинде бойына ҳәм енине кеткен қарықлар болып уларда вена қан тамырлары жайласады ҳәм мий қабығы биригеди. Сыртқы жүзинде болса, сыртқы дөңше ҳәм гедир будырлықлар болады. Еңсе сүйегиниң сыртқы тәрепинде мойын ҳәм гелле булшық етлери биригетуғын гедир- будырлықлар бар. Бул сүйектиң тийкарғы бөлими тийкарғы сүйектиң денеси менен биригип кеткен. Оның кеңлигинде бас мийдиң Варалиев көпир бөлими жайласқан.
Төбе сүйеги
Төбе сүйеги (os parietaIe) төрт мүешли көринистеги жалпақ сүйек. Оның төрт тәрепи ҳәм төрт мүйеши бар. Сыртқы тәрепинде дөңше болып, ол төбе дөңи делинеди. Ишки тәрепинде артерия қан тамырлары өтетуғын қарықлар бар.
Маңлай сүйеги
Маңлай сүйеги (osrnfale) тақ болып төрт бөлимнен: пәлле, мурын ҳәм еки көз бөлиминен қуралған. Пәлле бөлеми жуқа пластикадан ибарат болып алдыңғы тәрепинен 2 маңлай дөңи олардың астында қас үсти шеңберлери бар. Қас үсти шеңбериниң ортасында төрт мүйешли түрдеги мурын бөлими жайласқан. Буған мурын сүйеги ҳәм жоқары жақтың маңлай үсти биригеди. Мурын бөлиминиң иши бос болып, бул бослық елек тәризли сүйек бослықларына тутасады. Көз бөлими көз кесасының жоқарғы дийўалын пайда етеди. Бул сүйектиң көз бөлиминиң қапталында шеңбери болып, ол бет сүйегиниң маңлай өсиги менен биригеди. Маңлай сүйегиниң ишки тәрепинде қарықшалар болып олардан қан тамырлары өтеди.
Шеке сүйеги
Шеке сүйеги (osƒemprale) жуп сүйек болып төрт бөлимнен: пәлле, барабан, сорығыш тәризли ҳәм пирамида бөлимлеринен ибарат. Пәлле бөлими жуқа пластинка түринде болып, оның астында бет өсиги болады. Бул өсик бет сүйегиниң шеке өсиги менен биригип бет шеңберин пайда етеди. Өсиктиң астында төменги жақ сүйегиниң буўын өсиги жайласатуғын шуқырша бар. Барабан бөлими сыртқы даўыс жолының төменги дийўалын пайда етеди. Онда биз тәризли өсик жайласқан. Сорығыш тәризли бөлими, сорығыш түринде болып сыртқы қулақ тесиги арқасында жайласқан, иши бос онда ҳаўа болады. Бул бослық орта қулақ бослығы менен тутасады.