Kirisiw. O’siw h’a’m rauajlanıwdın’ ulıwma nızamlıqları. Реже: Adam organizminin’ bir pu’tinligi

Аяқтың еркин сүйеклери
Аяқтың еркин турған сүйеклери үш бөлимнен: сан, балтыр ҳәм аяқ пәнжесинен турады.
Сан сүйеги
Сан сүйеги (emur) организмдеги ең үлкен ҳәм беккем най тәризли сүйек. Бул сүйектиң денеси ҳәм еки ушы болып, жоқарғы ушында әдеўир үлкен шар тәризли басша, ҳәм шар тәризли буўын көлеми болады.
Шар тәризли басша шанақ сүйегиндеги отырғыш шуқыршасына кирип турады. Шартәризли басшада жүзекирек шуқырша болып, оған буўынның ишки байламы жабысады. Сан сүйегиниң мойын бөлими денесине өтиў жеринде үлкен ҳәм киши дөңшелер, сондай-ақ дөңшелерара гедир - будыр сызықлар жайласқан.
Сан сүйегиниң денеси бираз бүгилген үш қырлы домалақ формаға ийе болып, арқа тәрепинде гедир-будырлықлар бар. Сан сүйегиниң жуўанласқан төменги ушында булшық ет жабысатуғын медиал ҳәм латериал өсиклер жайласқан. Еки бирдей өсик алдыңғы тәрепинде буўын жүзлери менен өз-ара тутасып турады. Бул жерде дизе қақпағы жайласады. Бул өсиклер арасында шуқырша болады.
Дизе қақпағы сүйеги
Дизе қақпағы сүйеги (paella) организмдеги ең үлкен еркин (сесама тәризли) сүйек. Бул сүйек үшмүйешлик түринде, жоқарғы тәрепи кең, тийкары-төменги бөлими ушлы болып, шөккишше делинеди. Денесиниң алдыңғы тәрепи тегис емес арқа тәрепи тегис болған бул сүйекке төрт баслы булшық еттиң сиңири биригеди.
Үлкен балтыр сүйеги
Үлкен балтыр сүйеги (tibia) балтырдың медиал тәрепинде жайласқан узын най тәризли сүйек болып денеси үш қырлы алдыңғы қыры өткир болады. Бул сүйектиң жоқарғы ушы кеңейип сан сүйегине биригиўге масласқан. Үлкен балтыр сүйегиниң жоқарғы ушында сан сүйегине биригетуғын буўын шуқыршасының ортасында кесиўши байламлар биригетуғын өсиклер болады. Денеси жоқарғы бөлиминиң алдыңғы тәрепинде төрт баслы булшық ет биригиўи ушын дөңше бар. Төменги ушы домалақланған тупик өсик пенен тамамланады. Ол медиал тупик делинеди. Төменги ушында аяқ пәнже сүйеклери менен буўын пайда ететуғын батық буўын жүзи бар. Латериал тәрепинде болса киши балтыр сүйеги биригиўи ушын киши балтыр ойығы бар.