Kirish,,0'rta asrlar tarixi haqida

Anafema - cherkovning la'natlashi. U 471- yilda joriy etilgan bo`lib, cherkov oliy jazolaridan biridir.
Apostol - o`g`il xudo, Isoning elchisi.
Yeretiklar - cherkov mutaassibligiga qarshi kurashganlar.
Indulgensiya - maxsus afv yorlig`i.
Kardinal - katolik cherkovida Rim Papasidan keyingi oliy ruhoniy.
Mutlaq monarxiya - cheklanmagan huquqqa ega yakka hukmdor.
19-§. Salib yurishlari
Tayanch tushunchalar
Salib. Salib yurishlari. Katolik cherkovi salib yurishining tashkilotchisiekanligi. Salibyurishisabablari. Rim Papasining da'vati.
Salib yurishi nima? Salib yurishi katolik cherkovi va Yevropa feodallari tomonidan Yaqin Sharqqa (Suriya, Falastin, Misr, Bolqon yarim oroli, Kipr oroli) uyushtirilgan bosqinchilik urushidir. Bu bosqinchilik urushining nomi xristian dini ramzi nomidan olingan.
Yodda tuting
Xristian cherkovi ramzi (+) salib (krest, xoch) deb ataladi. Salib qizil rangli bo 'lgan.
Salib yurishida qatnashganlar salibchilar deb nomlangan. Ular kiyimlariga salib belgisini (+) tikib olganlar. Bu o`z roziligi bilan salib yurishida qatnashishga niyat qilganlikni anglatgan, qasam ramzi hisoblangan.
Salib yurishlarining sabablari. G’arbiy Yevropa feodallarining Yaqin Sharq mamlakatlaridagi bitmas-tuganmas boyliklarni egallab olishdan iborat bosqinchilik maqsadlari salib yurishlarining asosiy sababi bo`ldi.
XI asrga kelib G’arbiy Yevropa feodallarini o`z boyliklari qanoatlantirmay qo`ydi. Shaharlar va savdo-sotiqning o`sishi ularning boylikka bo`lgan ishtahalarini yanada orttirib yubordi. Ularni yana va yana katta boyliklarga ega bo`lish orzu-istagi chulg`ab oldi.
Feodallarning bosqinchilikdan iborat maqsadlari katolik cherkovi tomonidan qo`llab-quvvatlandi. Cherkov salib yurishining tashki-lotchisiga aylandi.
Katolik cherkovining maqsadi cherkov ta'sirini yanada kuchay-tirish, pravoslav cherkovini o`ziga bo`ysundirish, Yevropa davlatlari hukmdorlarini ham itoatda tutish, qudratini yanada oshirish hamda ko`proq boyliklarga ega bo`lib olish edi.