Kirish,,0'rta asrlar tarixi haqida

Katolik cherkov davlati. 756- yildayoq Rim cherkovi amalda cherkov davlatga aylangan edi. Papaning qarorgohi Rim shahrida joylashgan. Keyinchalik cherkov davlat Vatikan deb atalaboshlangan. Vatikan o`z nomini Rim shahri joylashgan yetti tepalikning biri nomidan olgan.
Hozirgi kunda Vatikan shahar-davlat maqomiga ega. Uning hududi 44 gektarni tashkil etadi. Vatikanda katoliklarning bosh cherkovi -Pyotr ibodatxonasi joylashgan.
Vatikan butun dunyo katolik cherkovining markazi bo`lib, Rim Papasi hozir ham shu yerdan turib ularga rahbarlik qiladi.
Papa mutlaq monarxiya hokimiyatiga ega. U kardinallav hay'ati tomonidan yashirin ovoz berish yo`li bilan umrbod muddatga saylanadi. Papa lavozimiga saylangan shaxs o`zining ilgarigi ismidan voz kechadi ya o`ziga yangi nom oladi.
Hozirgi kunda Benedikt XVI Rim Papasi lavozimida faoliyat olib bormoqda. Ungacha 264 kishi papalik qilgan.
Pravoslav cherkovi. Dastlab pravoslav cherkovi, Konstantinopol cherkovi atamalari bir xil ma'noni anglatadi. Uzoq yillar davomida pravoslav cherkovlarini Konstantinopol cherkovi boshqarib kelgan. Bu cherkovga patriarx rahbarlik qilgan. Vizantiya imperiyasi qulagach, Konstantinopol cherkovi o`zining rahbarlik maqomini yo`qotgan.
Hozirgi kunda pravoslaviyeda 15 ta mustaqil cherkov mavjud. Rus pravoslav cherkovi ana shu mustaqil cherkovlarning biridir. Binobarin, pravoslaviyeda yagona markaz va yagona cherkov boshlig`i yo`q.
Katolik cherkovining qudrati. XI asr oxiri va XII asr boshida Rim papalarining qudrati har qachongidan ham oshib ketdi. Turli mamlakatlardagi yuz minglab aholi Papa irodasiga so`zsiz bo`ysunar edi. Hatto G’arbiy Yevropa davlatlarining qirollari ham Papaga itoat etganlar. o`zlarini vassal deb hisoblaganlar.
Katolik cherkovi istalgan odamni, istalgan viloyatni va hatto butun bir davlatni ham cherkovdan chetlata olgan. Bunday hol yuz berganida o`sha viloyat yoki davlatdagi ibodatxonalar yopilgan. Tug`ilgan chaqaloqlarga ism berilmagan. Vafot etganlar esa qabristonga qo`yilmagan. Natijada viloyat hokimi yoki davlat qiroli Rim Papasiga tavba qilib borgan. Cherkovdan chetlatilgan odam qonundan tashqari hisoblangan. Uni talash va o`ldirish mumkin bo`lgan. Hech kimning bunday odamga yordam yoki boshpana berishga haqqi bo`lmagan.