Kirish,,0'rta asrlar tarixi haqida

Atamalar mazmunini bilib oling
Bank - katta miqdorda pul saqlanadigan joy.
Broker - oldi-sotdi shartnomalarini tuzishda vositachilik qiluvchi shaxs.
Gildiya - savdogarlar ittifoqi.
11-§. Yevropa shaharlari hayoti. Osiyo shaharlari
Tayanch tushunchalar: Shaharlarning feodallarga qarshi kurashi. Shaharlarning o 'z-o`zini boshqarishi. Shaharliklar turmushi. Osiyo shaharlari. Hunarmandchilik' va savdo.
Shahar va feodallar. Shahar qayerda paydo bo`lmasin, u paydo bo`lgan yer albatta qaysidir feodalga tegishli bo`lib chiqardi.Bu o'rta asrlarning birinchi davrida qirolning yer in'om etish siyosati oqibati edi.
Dastlab feodallar o`z yerlarida paydo bo`lgan shaharlarga homiylik qilgan edilar. Shaharlar o`sib boyigach, feodallar ulardan olinadigan soliqlarni ko`paytira borganlar. Bu esa shaharlarning rivojiga to`sqinlik qila boshlagan.
Endi shaharlar feodallar zulmiga qarshi bosh ko`targan. Shaharliklar sabot va matonat bilan kurashish uchun qasamyod qabul qilardilar.
Shaharlar bir necha o`n, ayrimlari hatto yuz yillab o`z mustaqil-liklari uchun kurashganlar. Ularning maqsadi - erkin shahar maqomiga ega bo`lish edi.
XII - XIII asrlarda butun G’arbiy Yevropada shaharlarning feo-dallarga qarshi kurashlari bo`lib turdi. Ba'zi shaharlar qonli urush va qo`zg`olonlar yo`li bilan mustaqillikka erishdi. Ba'zilari esa feodalga pul to`lab, mustaqil bo`lib oldilar. Ammo ko`p shaharlar qancha harakat qilmasin, bari bir feodallar hukmronligidan qutula olmaganlar.
Shaharlarning o`z-o`zini boshqaruvi. Mustaqillikka erishgan shaharliklar boshqaruv ishlarini o`z qo`llariga oldilar. Shahar o`z sudi, xazinasi va qo`shiniga ega bo`ldi. Shaharlar tepasida shaharliklar saylab qo`yadigan shahar kengashi bo`lgan. Fransiya va Angliyada shahar kengashining boshlig`i mer deb atalardi. Xazina, qo`shin kengash ixtiyorida edi.
Shaharlarning mustaqillik uchun kurashi oqibatida shaharliklar feodallarga qaramlikdan qutuldilar. o`z xo`jayinidan qochib ketgan dehqon shaharga kelib bir yilu bir kun tura olsa, erkin hisoblanardi.
Shaharlar feodallar hukmronligidan ozod bo`lgandan keyin yana-da tezroq o`sa boshladi. Shaharga qishloqlardan qochib keluvchilar ko`paya bordi. Ular o`z mehnatlari bilan shaharlar boyligini orttirardi.