Кириш битирув малакавий ишининг долзарблиги ва аҳамияти

Шамол-энергетика ресурслари. Шамол - энергетика ресурсларини ифодаловчи кўрсаткич - шамол тезлигидир. Унга боғлиқ ҳолда шамол оқимининг солиштирма қуввати аниқланади. Текис худудларнинг аксарият қисмида унинг қиймати 50 -Вт/м² гача ўзгаради.
Тадқиқотлар шуни кўрсатдики, Ўзбекистон шароитида, умуман олганда, шамол энергетикасидан кенг миқёсда фойдаланиш самарадорлиги анча туманларнинг тарқоқ ва кам энергия талаб этадиган худудларида яхши самара беради.
Шамол энергиясидан самарали фойдаланиш учун биринчи навбатда кучли шамол эсганда тегишли энергияни йиғиб олиш, иккинчидан шамол энергетик қурилмалари ва бошқа энергия манбаларидан (масалан, гелиоэнергетика) комплекс фойдаланиш мақсадга мувофиқдир.
Гелиоэнергетика. Ўзбекистон худудида қуёш энергиясидан хўжалик мақсадларида кенг миқёсда, жумладан, иссиқ сув таъминоти, иситишда, мева ва сабзавот маҳсулотларини қуритишда, гелиотузсизлантирувчи қурилмалар, музлаткичлар ва бошқаларда фойдаланиш мумкин.
Таҳлиллар шуни кўрсатадики, гелиоқурилмалар тўғри танланган
тақдирда улардан деярли йил давомида энергия олиш мумкин. Гелиоқурилмани текис жойларга ўрнатиш қулай ва арзон тушади, самарадорлиги эса юқори бўлади. Уни очиқ жойга, соя ташловчи баланд объектлардан, йўллардан (шиша мосламаларнинг чанг босмаслиги учун) узоқроқда ўрнатиш зарур. Тоғолди худудларида ҳам қуёш энергиясидан
фойдаланиш имконияти бор. Лекин тоғли худудларда гелиоқурилмалардан фойдаланиш самараси кам, чунки бу ерда булутли кунлар сони кўп бўлади ҳамда катта маблағ талаб этади.
Энди Ўзбекистон сув ресурсларидан самарали фойдаланиш муаммолари устида тўхталиб ўтамиз. Маълумки, Ўзбекистон сув ресурслари Орол денгизи сув ҳавзасидаги умумий сув ресурсларининг бир бўлагидир. Бу ҳавзага Ўзбекистон худудидан оқиб ўтадиган энг йирик дарёлар ҳисобланган, асосий юза оқим манбалари бўлган ва бевосита Орол денгизига оқиб келадиган Амударё ва Сирдарё, шунингдек, Орол ҳавзаси чегарасида жойлашган ва ҳавзага гидрографик ҳолати бўйича интилган дарёлар тегишлидир.
1991 -1995 йилларда Орол ҳавзаси учун нисбатан кўпсувли давр бўлди, шунинг учун Республикамиз сув манбаларидан сув олиш кўп бўлди. Аслида чегараланган сув олишнинг 90 фоизли таъминланиши йилига 59,2 км³ни ташкил этади.
Ўзбекистонда халқ хўжалигининг турли тармоқларида 1991 — 1995 йиллар давомида сув ресурсларидан фойдаланишнинг ўртача қийматлари қуйидаги жадвалда келтирилган