Кино ва телевидениеда монтаж

 
Nazorat savollari: 
1. Ritm montaj nima va uning imkoniyatlari qanday? 
2. Ritm montajdan badiiy filmlarda ham foydalaniladimi? 
3. Ritm montajini biror misol bilan tushuntirib bering. 
4. Klip montajining imkoniyatlari qanday? 
5. Klip montajini biror misol bilan tushuntirib bering. 
 
 
 
 
 

---

200
 
 
2.8 Montaj san’atiga oid qo‘shimcha tushunchalar  
 
Montajda refren  
Refren  so‘zi  qadimiy  fransuz  tilidagi  refraindre –
takrorlash  so‘zidan  olingan  bo‘lib,  uning  lug‘aviy  ma’nosi, 
takrorlash,  takrorlanuvchi  degan  ma’nolarni  anglatadi.  usuli 
qadimgi 
yunon 
she’riyatida 
ham 
ko‘zga 
tashlanadi. 
Takrorlanuvchi  naqorat  umuman,  turli  musiqiy  shakllarda  xalq 
qo‘shiqlarida  keng  tarqalgan.  Takrorlash  usuli  kino  san’atida 
ham o‘z o‘rnini topdi. 
Osonroq 
tushunish 
uchun, 
yana 
o‘sha  usullardan 
foydalanamiz.  “Shox  Saltan  haqida  ertak”da  A.S.Pushkin  bir 
to‘rtlikni  o‘z  asarining  bir  necha  joyida  takroran  qo‘llagan: 
dengizda  shamol  esar;  kema  to‘lqinni  kesar;  yelkanlarin 
shishirib; kema kelar pishqirib. 
Griffit  “Betoqatlik”  filmida  har  uchchala  davrdan  hikoya 
qiluvchi novellar o‘rtasiga bir xil  kadrni – beshik  tebratayotgan 
ona tasvirlarini bir necha bor  qayta-qayta  montaj qilgan. Griffit 
bu  bilan  betoqatlikning  turli  davrlarda  qaytarilishiga  urg‘u 
bermoqchi  bo‘lgan  va  o‘z  kadrlarini  kadr  ortidan  Uitmenning 
so‘zlari  bilan  to‘ldirgan:  “...Hozir  ham,  xuddi  o‘tmishdagi  kabi 
beshik  insonlarga  huddi  o‘sha  ehtiroslarni,  hursandchilik  va 
g‘am-anduhni olib kelganicha to‘xtovsiz tebranmoqda...”  
Refrendan  yumoristik  usul  sifatida,  hayot  va  uning 
mavjudligini  tushunib  yetishning  chuqur  falsafiy  bir  usuli 
sifatida ham foydalanish mumkin. 
Mavzu  yanada tushunarli bo‘lishi uchun bir nechta o‘zbek 
filmlaridan ham misol keltirishga harakat qilamiz.  
Mashxur 
va 
iste’dodli 
o‘zbek 
kinorejissyori 
A.Hamraevning “Inson qushlar ortidan boradi” (drama, 1975 y.) 
filmida 
ham 
refren 
usulidan 
moxirona 
darajada 
foydalanilganligiga  guvoh  bo‘lish  mumkin.  Mazkur  film 
qahramoni  Farux  film  davomida  juda  ko‘p  qiyinchiliklarni 

---

201
 
 
boshidan  kechiradi,  zo‘rlik  va  adolatsizliklarga  guvoh  bo‘ladi. 
U  xo‘rlik  va  azob  bilan  yuzma-yuz  kelgan  paytda  kadrda  yam-
yashil  nasha  narkotik  o‘simligi  barglari  va  to‘lg‘oq  dardida 
qiynalayotgan bemor onasining ter bilan qoplangan mungli yuzi 
aks  etgan  kombinatsiyalangan  kadr  namoyish  etiladi.  Bu 
kadrlarni  siz  filmning  5-6  ta  joyida  hech  qanday  o‘zgarishsiz 
takrorlanayotganligini  ko‘rishingiz  mumkin.  Bu  azobga  to‘la 
kadr  filmda  o‘ziga  hos  leytmotiv
41
  sifatida  namoyon  bo‘ladi. 
Kadrlarning  bu  kabi  takrorlanishi  aynan  mana  shu  tasvirlarga 
alohida  urg‘u  berishga  va  tomoshabinning  ong  ostiga  muayyan 
fikrni joylashtirishga yordam beradi.