Кино ва телевидениеда монтаж

Yorqinlashish 
Yorqinlashish  bilan  hammasi  aksincha  kechadi.  Agar  uni 
planning  tugash  qismida  qo‘yadigan  bo‘lsak,  u  holda 
tomoshabinda  “kutilmaganda  nimadir  yuz  berdi”  degan 
taassurot  uyg‘onadi.  Uning  ustiga  ekran  juda  yorqinlashib 
ketadi  va  bu  holat  qorong‘u  kinozalda  o‘tirgan  tomoshabinning 
ko‘zini  qamashtiradi.  Tomoshabin,  bu  holatda  beixtiyor 
qo‘zlarini yopishga majbur bo‘ladi.  

---

207
 
 
Agar  yorqinlashish  planning  bosh  qismiga  qo‘yilgan 
bo‘lsa, u tomoshabin ko‘ziga yanada salbiyroq ta’sir ko‘rsatadi. 
Chunki undan avvalgi kadrlar qoramtirroq bo‘lgan bo‘lsa, uning 
ko‘z  qorachiqlari  qorong‘u  kinozalda,  qoramtirroq  kadrni 
ko‘rish  uchun  yanada  kengaygan  bo‘ladi.  Shu  paytda  birdaniga 
yorqin  kadrning  berilishi  tomoshabin  ko‘ziga  bir  muddat  og‘riq 
beradi.  Bu  vaziyatda  tomoshabin  hech  qanday  taassurot 
olmaydi, faqat ko‘zidagi og‘riq va qamashishni his qiladi xolos. 
Bu tajribasizlik va bilimsizlik natijasidir. 
Hech  qanday  yorqinlashish  oddiy  qoronqulashish  va 
perebivkaning  o‘rnini  bosa  olmaydi.  Yaxshisi  yorqinlashish 
effektidan  foydalanmagan  ma’qul.  Bu  usuldan  Artxaus
42
  (Art 
House)  yo‘nalishida  ijod  qiluvchi  rejissyorlar  o‘zlarining 
eksperimental  mualliflik  filmlarida  ba’zan  foydalanishadi. 
Lekin bu boshqa yo‘nalish.