Кичик гуруҳ (3-4 ёш)

Бадиий адабиёт билан таништириш. Болаларда бадиий адабиётга бўлган қизиқиш ва 
муҳаббатни ривожлантириш, бадиий асардаги гўзаллик, нафосатни ҳис этиш кўникмасини 
мустаҳкамлаш. Болаларни халқ оғзаки ижодидан: қўшиқ (“Наврўз келди-ёз келди...”, 
“Лайлак келди...”), эртак (“Зумрад ва Қиммат”, ”Сахий билан Бахил”, ”Эгри билан Тўғри”), 
достон (“Гўрўғлининг туғилиши”,”Ширин билан Шакар”), афсона (“Етти гўдакнинг ризқи”), 
ривоят (“Ибн Сино шогирдлари”)лар билан таништиришда давом этиш. Мақол, тез айтиш, 
санамаларни мустақил айта олиш, топишмоқларга ўйлаб, фикрлаб жавоб бериш. Шарқнинг 
буюк алломалари (Ю.Х.Хожиб “Қутадғу билиг”дан парча, А.Навоий “Ҳимматли бўлсанг”) 
ҳақидаги тушунчаларини бойитиш. 
Болаларни бадиий асарда акс этган воқеалар ҳақида (М.Муродов “Сенинг галинг”, 
К.Раҳим “Хўрозқанд”) мулоҳаза юритишга, тўғри хулосалар чиқаришга ундаш. Эртак”, 
“Гилам”)нинг ўзига хос хусусиятлари ҳақидаги тушунчаларини мустаҳкамлаш. Болаларда 
шеърий асарлардаги (Ш.Отабек “Аччиқ чой”, А.Обиджон “Сохта амаки”) юмор, ҳазил, 

---

81 
кинояни тушуниш, табиат манзаралари (Қ.Муҳаммадий “Тонгда”, Зулфия “Олтин куз”) 
тасвиридан завқланиш кўникмасини мустаҳкамлаш. Шеърий асарлардаги (Ш.Саъдулла 
“Ниначи”) ёрқин бадиий тасвир воситаларидан сифатлаш, ўхшатиш, жонлантириш ҳақидаги 
бошланғич тасаввурларини шакллантириш. Насрий ва шеърий асарлар орасидаги асосий 
фарқларни тушунтириш. Эртак (“Олтин тарвуз”- ҳаётда бўлмаган, хаёлий, уйдирма воқеалар 
тасвирланади) ва ҳикоя (Ф.Мусажон “Тўлаб бер”- ҳаётий воқеалар ҳикоя этилади) 
жанрининг бир-биридан фарқли хусусиятлари ҳақида қисқача маълумот бериш. Болаларда 
эртак, ҳикоя, шеър, топишмоқ тўқишга бўлган ҳавасни шакллантириш. Бадиий асарни 
саҳналаштириш ва ижро этиш. 
Болаларни асар ғоясини тушунишга, тасвирий воситаларини ҳис этишга, шеърий 
нутқдаги мусиқийлик, оҳангдорлик, ритмни пайқай олишга ўргатиш. 
Бадиий асар (Э.Воҳидов “Ўлка”, Н.Ориф “Она юртим”, Э.Раимов “Куйга тўлсин, она-
Ватан” воситасида болалар қалбида халқ, она Ватан, табиат, ҳайвонат оламига муҳаббат, 
меҳр-шавқат туйғуларини ўстириш. Уларнинг бадиий сўз қудратини ҳис этиш, асар 
қаҳрамонларига баҳо бериш ва улар ҳақидаги фикрларини баён этиш кўникмаларини 
ривожлантириш.