Кичик гуруҳ (3-4 ёш)

Нутқ, ўқиш ва саводга тайёргарлик 
Болаларни она тилида бемалол сўзлаша олиш, кенг тарқалган содда гапларни ишлатиш, 
мураккаб гапни грамматик жиҳатдан тўғри туза олиш, расмлар устида ҳикоя туза олиш, 
антоним, синоним ва қиёсий сўзларни ишлатишга, тенгдошлари ва катталар билан ўз ҳис 
туйғуларини билдириб диологда қатнашишга ўргатиб бориш. 
Нутқнинг товуш маданиятини шакллантириш. Она тилидаги барча товушларни 
тўғри талаффуз этиш малакаларини мустаҳкамлаш Фонетик идрокни ўстиришда давом этиш. 
Болаларга s-z, p-f, t-d, p-b, l-r, u-o’, х-h, k-g товушларини тўғри талаффуз этиш ва уларни 
фарқлашни; овоз сифатларини (баланд, ўртача, паст, йўғон, ингичка, жуда ингичка),нутқ 
суръатини (тез, ўртача, секин) тарбиялаш, сўзда товуш ўрнини белгилашга ўргатиш (m-
m-m-mu-shuk, m-u-u-u-shuk, mu-sh-sh-sh-uk; "товуш" иборалари билан таништириш ва 
уларни фарқ қилишга, машқларда, ўйинларда уларни қўллашга ўргатиш. Адабий нутқни 
тарбиялашни давом эттириш. 
Товушларни тўғри талаффуз этишни, айрим унли ва ундош товушларини 
ўзлаштиришни мустаҳкамлаш. Болалар эшитганда ва талаффуз этганда товушларни 
(узун-қиска, жарангли-жарангсиз) ажрата олишни машқ қилдириш товуш талаффузидаги 
нуқсонларни йўқотиш. Сўзлаётганда тўғри нафас олишни ривожлантириш. 
Болаларнинг сўзларни адабий тил нормалари асосида орфоэпик жиҳатдан тўғри, аниқ, 
дона-дона қилиб талаффуз этишларини такомиллаштириш.Овоз кучининг паст-
баландлигини нутқ суръатига нутқ муносабати шароитга қараб ўзгартира билишни 
шакллантириш, оҳанг воситаларидан тўғри фойдаланишга ўргатиш. 
Болаларга қаттиқ ва юмшоқ ундош “h” ва “х” товушларини ажратиш ва тўғри талаффуз 
этиш машқларини бажартириш (бу товушлар устида ишлаш кейинчалик ҳам давом 
эттирилади). 
Болаларнинг сўзларни аниқ ва бурро талаффуз этишларини машқ қилдиришни давом 
эттириш. Бунда адабий тил нормаларига асосланиб сўзларни тўғри талаффуз этиш, 
сўзлашув мавзуси бўйича тасвирий воситалардан, овознинг паст-баландлиги, нутқ 
суръатидан тўғри фойдаланиш малакасини таркиб топтириш.