Кичик гуруҳ (3-4 ёш)

Нутқнинг грамматик тузилишини шакллантириш. Болаларда ўз нутқи ва бошқалар 
нутқига нисбатан танқидий муносабатни тарбиялаш, уларни тўғри гапиришга ўргатиш, 
гапирганда сўзларни бир-бирига боғлаб, жумлалар тузиш малакасини мустаҳкамлаш. От, 
сифат, феълларнинг мураккаб грамматик шаклларидан фойдаланишни машқ қилдириш. 
Жониворлар, нарсалар, идиш-товоқлар, касблар бўйича шахсларнинг номларини топиб
айтишга ўргатиш. 
Ўз нутқида уюшиқ бўлакли, содда ёйиқ ва қўшма гапларнинг турли хилларидан 
фойдаланиш малакасини мустаҳкамлаш, (боғланган қўшма гап, эргашган қўшма гап. 
Масалан: Малика келди ва биз бирга китоб кўрдик. Мадина қўрқди, шунинг учун биз 
арғимчоқ уча олмадик. Бунда кўмакчи ва боғловчи сўзлардан фойдаланишга ўргатиш). 
Болаларни равишдан фойдаланишга ўргатиш (тез юрди, секин гапирди), сўз ясаш 
малакаларини мустаҳкамлаш (Ўқит-ўқитувчи, балиқ-балиқчи, балиқлар ва бошқалар). 
Бир фикрни турли воситалар билан
баён қилишга, (Шаҳзода хурсанд бўлди, Шаҳзода 
қувонди) бир-бирининг ўрнини, босадиган гапларни (Биз гул экмаймиз, чунки ёмғир ёға 
бошлади. Ёмғир ёға бошлагани учун биз гул экмаймиз) тузишга ўргатиш.
Болаларга тўғри грамматик шаклларни машқ қилдиришда кўпроқ оғзаки машқ ва 
ўйинлардан фойдаланишга ўргатиш. Масалан: “Айт-чи қандай?” оғзаки ўйини: “Қор 
қандай?” Оппоқ, муздай, совуқ, майда; “Гул қандай?” Чиройли, қизил, хушбўй... 
Болаларни содда (Қизил олма) ва қўшма гаплар (Биз полизга экин экдик) тузишга 
(аввал намуна асосида, кейин мустақил), бунда барча сўз туркумларидан фойдаланишга 
ўргатиш. 
Болаларни гапирганда сонни отга (стол устида бешта нок ва еттита олма бор), 
сифатни отга (чиройли кўйлак, қизил олма), сифатни феълга (қўшиқни ёқимли куйлайди, 
расмни чиройли чизади) тўғри боғлаш, ҳайвонларнинг болаларини билдирувчи отларни 
кўплик сонида (тойчоқлар, қўзичоқлар, бузоқчалар) тўғри ишлатиш малакаларини 
такомиллаштириш. Болаларни турли усуллар билан янги сўзлар ясаш (гул-гулдон, гулзор, 
гулчи, Гулнора, қанд-қанддон, сув-сувли, сувчи ва бошқалар)га, нутқда сифатдошлардан 
(ўқиёгган бола, ўйнаётган капалак) фойдаланишга ўргатиш.