Кичик гуруҳ (3-4 ёш)

Таянч дастурнинг мақсади “Мактабгача ёшдаги болалар ривожланишига 
қўйиладиган давлат талаблари”нинг бажарилишига эришишдан, яъни мактабга жисмонан 
соғлом, ақлан ва маънан етук, жамиятнинг турли аъзолари билан мулоқотда бўла оладиган, 
борлиқни аниқ идрок этадиган, ҳаётга ижтимоий жиҳатдан мослашувчи, умуммиллий 
қадриятларимизни қадрлайдиган, шунингдек, мустақил ва онгли яшайдиган болани 
тайёрлашдан иборат. 
Дастурнинг вазифаси болаларни жисмоний, ақлий ҳамда ижтимоий-ҳиссий жиҳатдан 
камол топтириш ва уларнинг соғлиғини муҳофаза қилиш; болаларнинг эркин фикрлаш, 
ижодий қобилиятларини ривожлантириш, ахлоқий ва маънавий жиҳатдан баркамол, 
шунингдек, кепажакда мустақил ва онгли яшайдиган комил инсонлар этиб вояга етказиш 
учун шарт-шароитлар яратишдан иборатдир. 
Дастурнинг мазмуни қуйидаги тамойилларга таянади: 
- мактабгача таълимнинг давлат ва жамият талабларига мослиги; 
- мактабгача таълимнинг демократиклиги; 
- бола шахсига йўналтирилганлиги; 
- болаларни соғломлаштиришга қаратилганлиги; 
- болаларнинг қобилияти, эҳтиёжи, имкониятига мослиги; 
- мактабгача таълимда ўйин фаолиятининг етакчилиги; 
- мактабгача таълимнинг инсонпарварлиги; 
- мактабгача таълимнинг ижтимоий турмуш билан мослиги; 
- мактабгача таълимнинг оила ва бошланғич таълим билан узвийлиги. 
Муассаса дастурни амалга оширишда ҳар бир болага қуйидаги сифатларни 
ривожлантиришни мақсад қилиб қўйиши лозим: 
- ижодкорлик, тасаввур, зукколик; 
- мустақил фикрлаш лаёқатига эга бўлиш; 
- муаммоларни аниқлаш ва уларни ҳал этиш йўлларини топиш; 
- жамият, мамлакатлар, атроф-муҳит муаммоларига бефарқ қарамаслик. 
"Болажон" таянч дастурида болаларни ривожлантириш ва мактабга тайёрлаш 
қуйидаги омилларга асосланади: 
- давлат ва жамият бошқарувини эркинлаштириш ва унинг баркамол шахсга 
бўлган муносабатнинг кучайганлиги; 
- эркин фуқаро маънавиятининг шаклланиши; 
- миллий урф-одатлар ва тарихий хотира, ўзликни англаш туйғуси 
ривожланаётганлиги; 
- миллий ва умуминсоний қадриятларга ҳурмат-эҳтиром туйғусини 
шаклланаётганлиги. 
Айнан шу омиллар бола шахсининг жисмоний ривожланиш, ўз-ўзига хизмат ва 
гигиена, ижтимоий-ҳиссий ривожланиш, нутқ, ўқиш ва саводга тайёргарлик, билиш жараёни, 
атроф-олам тўғрисидаги билимга эга бўлиш ва уни англаш йўналишларига мос тарзда 
умумий ривожланишини таьминлайди. 

---

6 
Ушбу дастурда болаларни ривожлантириш ва мактабга тайёрлаш даври шартли 
равишда қуйидаги босқичларга бўлинади:
- гўдаклик (1 ёшгача); 
- илк ёш (1-2 ёш); 
- илк ёш (2-3 ёш); 
- кичик ёш (3-4 ёш); 
- ўрта ёш (4-5 ёш); 
- катта ёш (5-6 ёш); 
- мактабга тайёрлов даври (6-7 ёш).