Кичик гуруҳ (3-4 ёш)

Тенгдошлари билан мулоқот. Тенгдошлари билан ёнма-ён ўйнаш. 
Ҳиссий ривожланиш: 
Бола кундалик мулоқотда бўладиган катталарнинг исмларини билиш, ўз исмини 
билиш, ўзини кўзгуда таниш, ўз ҳоҳиши катталарнинг талабларига мос тушмаганда
норозилик билдириш, оила ҳаёти фаолиятига кириша бошлаш (супуради, ўйинчоқларни 
йиғади), ўзига яқин инсонларга муҳаббат ва меҳр кўрсатиш (ўпади, ёпишади, қучоқлайди), 
мусиқага монанд ҳаракат қилиш, катталарнинг ўзига нисбатан муносабатини сезиш ва ҳис 
этиш. 
Нутқ, ўқиш ва саводга тайёргарлик 
Нутқ. Катталарнинг нутқини тушуниш, сўз бўлакларини ва 1-2 бўғиндан иборат оддий 
сўзларни айта олиш.
Предметларнинг номларини айтиш ва улар билан ҳаракат қилиш (бу “нинни”, “нинни 
ух”), “нинни қани?” каби саволларни бериш, расмда предметларни таниш (Бу бо-бов), ўз 
ҳаракатларини сўз билан ифодалаш, мураккаб бўлмаган ҳаракатларни бажариш (кубикни 
олиб кел). 
Бадиий адабиёт билан таништириш. Болаларда бадиий адабиётга нисбатан қизиқиш 
уйғотиш. Уларга доимий равишда халқ оғзаки ижодидан: алла, эркалама (“Ҳамма гулни гул 
десам...”, “Менинг қизим оппоққина...”, “Акбаржоним отлидур...” в.б.); овутмачоқлар 

---

10 
(“Йиғлама-ей, йиғлама”, “Вой, йиғлама жон ўғлим...” в.б.); олқиш қўшиқлари (“Югурса 
онаси кўрса...”, “Оймома илла...”, “Айланайин оқчамдан...” в.б.) айтиш. Қисқа шеърларни 
ифодали ўқиб бериш.
Ўқиш ва саводга тайёргарлик. Китобдаги расмларни томоша қилиб, тасвирланган 
предметларни номлаш, қалам ва ручка ёрдамида горизонтал, доирасимон ва вертикал 
чизиқларни чизиш.
Йил охирида бола: 
Катталарнинг нутқини тушунади, сўз бўлакларини ва 1-2 бўғиндан иборат оддий 
сўзларни айта олади. 
Қалам ва ручка ёрдамида горизонтал, доирасимон ва вертикал чизиқларни чиза олади.