Кичик гуруҳ (3-4 ёш)

Сафланиш ва қайта сафланиш. Мустақил, тез ва уюшқоқлик билан биттадан, 
иккитадан сафланиш. Звенода бир қатор турганда текисланиш. Битта звенодан юриб туриб 
бир неча звенога, битта айланадан бир неча айланага бўлиниш ва қайта сафланиш. “Бир-
икки” деб санаш, бир қатор ва икки қатордан бўлиб қайта сафланиш. Ҳаракат вақтида 
майдон бурчакларида бурилишлар қилиш. Юриб келиб ҳамманинг бараварига тўхташини 
машқ қилиш. 
Велосипедда учиш. Велосипедда тўғрига, айлана бўйлаб, “илон изи” қилиб учиш. 
Машқлар ва ўйинларни бажариш, велосипедни бир қўл билан бошқариш. 
Сузиш. Сувда нафас олиш ва нафас чиқариш (кетма-кет 3 мартадан 10 мартгача), сувга 
боши билан шўнғиш, сувда кўзларни очиш. Кўкрак билан ва елкада сузишни, оёқлар билан 
ҳаркатлар қилишини (юқори, пастга) бажариш. Сув остида қўлларни ерга тираб олдинга 
сурилиш. Дамлама ўйинчоқ, гардиш ва тахтани қўлга ушлаб сузиш. Қўллар билан ҳаракат 
қилишни ўргатиш. Ёрдамчи жиҳозларсиз ўзи мустақил ҳолда сузишга уриниб кўриш. Сувда 
хилма-хил машқларни бажариш. Эркин ҳолда 10-15 м сузиш. 
 
Чиниқтириш ва соғломлаштириш
Эрталабки гигиеник бадантарбия машқлари. Ҳар куни эрталабки бадантарбия 
машқларини бажариш. Бадантарбия машқларини очиқ ҳавода гиламча устида, енгил кийимда
буюмлар билан ва уларсиз бажариш, машқларни сув муолажалари билан тугаллаш. Муайян 
изчилликда, аниқ, шиддат билан мускулларни таранг ҳолга келтириш, машқларни қоматни 
тўғри тутган ҳолда бажариш. 
Чиниқтириш. Хонада енгил кийимда бўлиш, деразанинг кичик дарчасини очиб 
қўйиш. Эрталабки бадантарбия машқларини ҳар куни, ҳар қандай ҳавода бажариш. Кийим ва 
пойафзални мавсумга ва машқ турига мувофиқ танлаш. Юз, бўйин, қўлни тирсаккача совуқ 
сув билан ювиш. Бадантарбиядан сўнг дарҳол губка ёки уй ҳароратдаги сувда ҳўлланган 
кичикроқ пахмоқ сочиқ билан тана аъзоларини артиш, аввал қўлларни, кейин баданни қуруқ 
сочиқ билан тана қизаргунча, тезда қуруқ қилиб артиш. Фақат катталарнинг рухсати билан 
чўмилиш, катталарнинг назорати остида чўмилишнинг асосий қоидаларига риоя қилиш. 
Ялангоёқ юрганда оёқни шикастлантириш хавфи йўқ жойларда юриш. Чиниқтириш 
қоидаларини онгли равишда бажариш.