Кичик гуруҳ (3-4 ёш)

Умумривожлантирувчи машқлар. 
Қўллар ва елка камари учун машқлар. Қўлларни юқорига олдинга, ён томонларга 
кўтариш, товонларни жуфтлаб оёқ учларини очиб, тик тутган ҳолатда оёқ учида кўтарилиш,
бир оёқни учини орқада қолдириб, деворга суяниш. Қўлларни кўкрак олдида тутган ёки 
елкаларга қўйган ҳолатдан уларни юқорига ён томонларга чўзиш. Елкаларни кўтариш ва 
пастга тушириш. Тирсакда букилган қўлларни олдинга ва ён томонларга шахдам ёзиб 
(бармоқлар мушт қилиб сиқилган), тирсакларни орқага букиш (2-3 марта) ва қўлларни 
кўкрак олдидаги ҳолатдан ён томонларга чўзиш. Қўллар тирсакдан букилган ҳолда айлана 
ҳолатдан ён томонларга чўзиш. Қўллар тирсакда букилган ҳолда айлана ҳаракатлар қилиш. 
Бир қўлда бармоқлари билан халқани вертикал ўқ атрофида айлантириш, билаклар ва қўл 
панжалари олдинда ва ёнда. Панжаларни айлантириш, бармоқларни ёйиш ва бирлаштириш, 
бармоқларнинг учларини навбатма-навбат бош бармоқ билан букиш. 

---

103 
Оёқлар учун машқлар. Оёқни олдинга узатиб чалиштириш. Қўлларни бош орқасига, 
елкаларга қўйиб туриб ўтириш. Турган ҳолатда ҳар қайси оёқни айрим-айрим ҳолда навбат 
билан букиш, бир оёқни айрим-айрим ҳолда навбат билан букиш, бир оёқни кетма-кет 2-3 
марта букиб кўтариш. Оёқлар кенг ёзилган ҳолда ўтириш, оёқни олдинга силтаб кўтариб, 
тўғирланган оёқ учини олдинга чўзилган қўлларнинг кафтларига теккизиш. Нарвон 
поғонасини, стул суянчиғини бир қўл билан ушлаб туриб, оёқни эркин равишда олдинга ва 
орқага силкитиш.
Гавда учун машқлар. Бошни пастга эгиш, юқори кўтариш, ён томонларга буриш. 
Қўлларни юқорига кўтариб, ён томонларга ёйиб, белга тираб, бош орқасига қўйиб ён 
томонларга бурилиш. Қўлларни юқорига кўтариб, атрофга ёзиб, олдинга энгашиш. Турган 
ҳолда гавданинг юқори қисмини айлантириш. Орқага таяниб ўтириб, икки оёқни кўтариш, 
оёқ учларини чўзиш, оёқларни худди шу ҳолатда тутиб туриш. Ўриндиқнинг орқасига 
таяниб, ўтирган ҳолда унинг устидан тўғирланган оёқни ошириб ўтказиш. Чалқанча ётган 
ҳолатдан оёқларни зичлаб туриб ўтириш ва яна ётиш. Орқа билан ётиб, икки оёғини баравар 
кўтариш. Бир оёқда ўтириб туришни синаб кўриш. Орқа билан ётган ҳолатда гимнастика 
ўриндиғида тортилиш ва ўз гавдасини кўтариш. Кўкрак бараваридаги деворга суяниб 
(гимнастика нарвончасининг поғонасини ушлаб) қўлларни букиш ва очиш. Гимнастика 
нарвончасига орқа билан суяниб туриш ва қўлни бошдан ошириб, унинг поғонасини мумкин 
қадар юқорироғидан ушлаш; тизза кўзидан букилган оёқларни полдан навбатма-навбат 
кўтариш.