Кичик гуруҳ (3-4 ёш)

Қуриш-ясаш. Болада қуриш-ясаш фаолиятига нисбатан қизиқишни 
тарбиялаш, мустақил ўрганишига ғамхўрлик кўрсатиш; ясаган нарсалари 
бўйича имкон даражасида сўзлаб беришга ундаш. Асосий қурилиш 
материаллари (кубик, ғиштча, доира, учбурчак)нинг номларини айтишни 
ва улардан фойдаланишни ўргатиш.
Болани оддий қуриш-ясаш ишини (тарбиячи билан биргаликда)
амалга оширишга: кенглиги ва узунлиги бўйича – пиёдалар ва машиналар 
учун йўл қуриш, баландлигига қараб жойлаштириб – уй ва дарвоза қуриш, 
тартиб билан бир-бирининг устига мустаҳкам қилиб тахлашга; маълум
оралиқда жой қолдириб, эшик, дераза қўя олишга ўргатиш. Тайёр бўлган 
бинога янги деталлар қўшиб конструкциянинг бошқа вариантини ҳосил 
қилиш; битта детални бошқаси билан алмаштириб ёки миноранинг 
баландлиги ва узунлигини ўзгартириб (паст ва баланд минора) қуриш. 
Болани ўз иншоотини маромига етказиш (уй, йўлакча, кўча), хонани 
жиҳозлаш: стол, стул, диван, мебел тарзида жойлаштиришга ўргатиш.
Болага пазлларни, мозайкаларни мустақил теришга имкон бериш ва 
ўз режалари асосида легодан қуриш-ясаш ишларини амалга ошириш 
хоҳиш-истагини рағбатлантириш. Ўйнаб бўлгач, барча қурилиш 
материалларини сақлаш қутисига тартиб билан тахлаб қўйишга 
одатлантириш.

---

73 
Ўқув йили охирида бола:
- қалам, мўйқаламни тўғри ушлаш ва ишлатишни, бўёқлардан 
фойдаланишни билади; 
- узиб-узиб, доғ қўйиб, чизиқлар ёрдамида расм чизади; 
- алоҳида буюмларни ва содда воқеабанд расмлар чизишни билади; 
- 
лой, пластилин (тузли хамир, рангли шамча)ларнинг юмшоқ ва 
эгилувчанлигини билади ва улардан тартибли, эҳтиёткорона 
фойдаланади;
- лой ёки пластилин (тузли хамир, рангли шамча)дан узиб олиш, 
юмалоқлаш, пачоқлаш, чўзиш ва тайёр қисмларни бир-бирига улаш 
усулида турли шаклчаларни ясайди; 
- аппликация элементларини ёпиштиради; 
- тайёр шакллардан нарсалар ва безакли композицияларни ясайди; 
- қурилиш материалларининг асосий деталлари (кубик, ғиштчалар, 
доира, учбурчак)ни билади ва улардан фойдаланади; 
- қалам, мўйқалам, бўёқлар, лой, пластилин, аппликация ва қурилиш 
материаллари билан ишлагандан кейин қўлларини тозалаб ювади ва 
сувдан тўғри фойдаланади.