Кичик гуруҳ (3-4 ёш)

Жонли табиат. Ўсимликлар дунёси. Сабзавотлар (бодринг, 
помидор) ва мевалар (олма, гилос, ўрик)нинг номи, таъми, ранги ва 
шаклини билишга, ўзаро фарқлашга ўргатишда давом этиш. 
Сабзавотлар (сабзи, картошка, шолғом, пиёз) ва мевалар (олча, анор, 
ёнғоқ) билан таништириш, уларнинг номи, таъми, ранги ва шаклини 
ўргатиш.
Хона гули (фикус) билан таништириш, уни парвариш қилиш йўллари
(йирик баргларини артиш,сув қуйиш)ни ўргатиш. Тарбиячи тувакка пиёз 
экиб, қандай парвариш қилишни тушунтиради. 
Гуллайдиган маданий (атиргул) ва ўт ўсимликлар (қоқиўт, 
лолақизғалдоқ) билан таништириш. Уларнинг номлари ва рангларини 
тўғри айтишга ўргатиш. Шу билан бирга боланинг эътиборини 
баргларнинг шаклига, пояси ва гулларидаги фарқларга, баъзи 
ўсимликларнинг шифобахш хусусиятларига қаратиш. 
Ёз фаслида ўсимликлар ҳаёти қандай кечиши ҳақида суҳбат ўтказиш. 
Олма, ўрик, олча, ёнғоқ дарахтлари мисолида уларга хос бўлган 
умумий хусусиятлар: тана қисмлари (шохи, барги, гули, меваси) билан 
таништириш.
Истироҳат боғида сайр қилиб юрганда манзарали дарахтларнинг 
барги ва меваларини тўплаш.
Ҳайвонот дунёси. Болани уй ҳайвонлари (мушук, кучук, қўй ва 
қўзичоқ) ва ёввойи ҳайвонлар (қуён, айиқ), паррандалар (хўроз, товуқ, 
жўжалар) билан таништириш. Уларнинг номларини тўғри айтишга 
ўргатиш.
Қушлар: мусича, чумчуқ ва қалдирғоч билан таништириш. Уларнинг 
номини тўғри айтиш, катта-кичиклигига эътибор бериш, товушларидан 
таниш ва фарқлашни ўргатиш.
Ҳашаротлардан хонқизи ва асалари билан таништириш. Уларнинг 
айрим ўзига хос хусусиятларини фарқлашга ўргатиш. 
Аквариумдаги балиқлар билан таништириш, уларнинг ҳаёт тарзи, 
нималар билан озиқланиши ҳақида қисқача маълумот бериш ва тана 
қисмлари, 
рангларидаги 
фарқларга 
бола 
эътиборини 
қаратиш. 
Аквариумдаги балиқчаларни озуқа билан боқиш, жониворларга сув, дон 
беришга ўргатиш.