Кичик гуруҳ (3-4 ёш)

 
Мусиқа 
(3-4 ёш) 
Мусиқа тинглаш. Болада мусиқий фаолиятга қизиқиш уйғотишда 
давом этиш. Таниш мусиқани (радио, телевизор ва бошқа қурилмалар 
орқали эшитганда) завқ билан астойдил тинглаши ва куйлашини, 
эмоционал таъсирланишини рағбатлантириш. Мусиқа асарининг 
характерини аниқлаш кўникмаларини таркиб топтириш; мусиқий хотира 
(аввал эшитган куй ва қўшиқларни эслаш, такрорлаш)ни ривожлантириш. 
Кичик ҳажмли мусиқа асарини тинглашга иштиёқ уйғотиш. Болада аста-
секин мусиқа асарини бошидан якуний қисмигача диққат билан тинглаш, 
мусиқани ҳис этиш, мусиқадаги қарама-қарши кайфиятларни сезиш 
кўникмаларини таркиб топтириш. Қўшиқ, рақс, марш ҳақида илк тушунча 
бериш. 
Болани бир-бирига ўхшаш бўлмаган: байрамона-тантанали (Ўзбек 
халқ куйи “Андижон полкаси”; С.Бобоев «Бугун байрам); оҳиста-
тебранувчан (Д.Омонуллаева “Алла”); рақсона-қувноқ (Ўзбек халқ куйи
“Қашқарча”) кайфиятдаги қўшиқ ва чолғу куйларини идрок этишга 
ўргатиш. 
Болада илк мусиқа маданияти (чалғимасдан, атрофдагиларга ҳалақит 
бермасдан мусиқа асарини охиригача тинглаш)ини таркиб топтириш. 
Қўшиқ айтиш. Бола қўшиқ айтаётганида (катталарга жўр бўлиб, 
якка ёки жамоа билан биргаликда), табиий овозда, зўриқмасдан, 
бақирмасдан, қўшиқ сўзларини тўғри таллаффуз этишига, мусиқий 
жумлаларнинг охири ва қўшиқ матнида такрорланиб келувчи сўзларни 
куйлашига алоҳида аҳамият бериш. Куйлаш вақтида тўғри нафас олиш, 

---

74 
ўтирган ва турган ҳолатда қоматни ростлаб, эркин куйлашга ўргатиш. 
(М.Икромова “Опажон қаранг”).
Қўшиқ мазмунини тушуниб ҳис этиш ва матнга мос ҳаракатлар 
бажариш кўникмасини таркиб топтириш. Қўшиқ мазмуни ва мусиқаси 
бўйича мароқли суҳбатлар ташкил қилиш, шеърларни ифодали айтишга 
ўргатиш. (М.Икромова “Арча қўшиғи”, “Айиқча”; Б.Каримов “Кулча нон”; 
Д.Омонуллаева 
“Этикчам”; 
К.Абдуллаев 
“Хўрозим”; 
Ф.Назаров 
“Полапон”; С.Бобоев “Тойчоғим”).