Kasbiy etika

3.2.. Korporativ imij mohiyati.
Mehmonxona xodimining tashqi qiyofasi uning mavqeiga ham ijobiy, ham salbiy ta’sir ko‘rsatishi mumkin. O‘z qaddi– qomatiga, yuz-tuzilishiga yarashmagan, dazmollanmagan kiyimlarni kiyish, tozalanmagan oyoq kiyimlarida yurish, soqol–mo‘ylovlari va sochlarini olmaslik, taramaslik, kattaligi, rangi va boshqa ko‘rsatkichlari bo‘yicha o‘ziga yarashmagan taqinchoqlarni taqib yurish, ayol biznesmenlar uchun esa tizzasidan baland yubka, o‘ta tiniq matolardan tikilgan va tor ko‘ylak va yubkalarni kiyib yurish va shunga o‘xshagan etiket qoidalariga zid harakatlari biznesmenlar to‘g‘risida yomon ta’ssurot qoldiradi va ularning imijiga salbiy at’sir kro‘satadi.
Saqich chaynash odamlar o‘rtasida eng keng tarqalgan salbiy odatlardan biri hisoblanadi. Afsuski, bunday odat bugungi kunda ko‘pchilik biznesmenlarga ham xos. Lekin, saqich chaynamang, deb aytish mumkin emas. Faqat shuni hisobga olish kerakki, ish va suhbat davrida saqich chaynash xalqaro tajribada malaka va madaniyat pastligining belgisi deb qaraladi.
Saqich chaynamasdan turaolmaydigan kishilar ishdan keyin ertalabgacha chaynayverishi mumkin.
Xalqaro etiket qoidalariga biznesmenlar suhbat davrida o‘z qo‘llarini stol ostida ushlashlari kerak. Lekin ko‘pchiligimizda shunday odat shakllanganki, qo‘llarimizni stol tagida emas, cho‘ntakda ushlaymiz.
1. Biznesda munosabat qilishning universal qoidalari
va biznesmenlarga xos fazilatlar
2.Tabassum
3. Xushmuomalalik
4. Sabr–toqatlilik
5. Kamtarlik
Biznesmenlar faoliyatining o‘ziga xos xususiyatlaridan biri shundan iboratki, ular biznes yuzasidan har xil madaniyat va ma’rifat darajasiga ega bo‘lgan, turli millat vakillariga mansub o‘zlariga o‘xshash biznesmenlar va boshqa kishilar bilan muloqotga tushishadilar. Muloqot predmeti bo‘lgan masalalarning ijobiy va tez hal bo‘lishi uchun munosabat qilishning universal qoidalaridan to‘g‘ri foydalanishlari va o‘zlarining insonga xos fazilatlarni esdan chiqarmasliklari kerak.