Kasbiy etika

1.2.. Turizm biznesida ishlashning etik qoidalari.
Inson jamiyat mahsuli hisoblanadi. U boshqalardan ajralgan holda hech qachon va hech qaerda yashay olmaydi, baxtli bo‘laolmaydi. SHu boisdan ham “Odam bilan tirik” deb bekorga aytilmagan. Xalq tajribasiga asoslangan bu ibora juda ham chuqur ma’noga ega, chunki odamlar bir–birlari bilan gaplashmasa, o‘zlarining xursandchiliklarini, his–tuyg‘ularini va g‘am–g‘ussalarini boshqalar bilan baham ko‘rmasa, ular yashay olmaydilar.
Muloqotga tushish orqali odamlar o‘z fikrlarini, atrof– muhitga, voqea va hodisalarga hamda boshqalarga bo‘lgan munosabatlarini bildirishadi. Bundan tashqari odamlar bir–birlari bilan muloqot qilish jarayonida sodir bo‘layotgan voqealar va hodisalar, boshqa masalalar, hatto o‘ziga bo‘lgan izzat–hurmat darajasi to‘g‘risida ma’lumotlar oladi, ya’ni o‘zining qiziqishlari bo‘yicha ma’lumotlarga bo‘lgan talabini qondiradi. Boshqalar bilan munosabatga tushishning eng muhim tomonlaridan biri yana shundan iboratki, odam ijobiy energiya oladi, uning kayfiyati yaxshilanadi, hayotga va o‘z kasbiga bo‘lgan qiziqishi yanada oshadi. SHuning uchun ham odamlar azaldan bir–birlari bilan yaxshi munosabatda bo‘lishga va yaqin yashashga harakat qilishib kelishgan.Odamlarning bir jamiyatda tinch–totuv yashashining va turli sohalarda muvaffaqiyatli faoliyat ko‘rsatishining asosida ming yillar davomida shakllangan va ushbu jamiyatda qabul qilingan urf–odat qoidalari (bir–birlari bilan muloqotga tushish, yurish–turish va turli vaziyatlarda o‘zini tutish) va rasm–rusumlarga itoat qilish yotadi.
Bugungi kunda har bir soha xodimlari uchun etiket qoidalari shakllangan va ularning hayotida katta o‘rin tutadi. Xizmat turlari doiralarida xizmat etiketiga amal qilinadi.
Biznes iqtisodiy axloqiy asosga tayanadi. Kommersiyadagi tadbir biznesda etiket nihoyatda muhim ahamiyatga ega, modomiki, u kompaniyalar o`rtasidagi hamkorlikning davomiyligini va tuzilgan bitimning omadliligini belgilab beradi. Tadbirkorlikning umumqabul qilingan qoidalarni buzish mumkin emas. Ishdagi qaltislik qonunni hatlab o`tishdagi qaltislik bilan hech qanday aloqasi yo`q.
Muvaffaqiyatli tadbirkorlikning asosiy muruvvati – tajriba natijalaridir: olingan daromadlar, kasbiy qoniqish, jamiyatda, sheriklar oldida ijobiy nufuzga ega bo`lish, firma yoki tashqilotning mustahkamlash uchun pul jamg`armasini yaratish.
Barcha mehmonxona sohasidagi mutaxassislar insonlarga nisbatan hurmat va doimo xushmuomala bo`lish kerak, deb hisoblashadi.
Hayot fazosi bo`lmish bozor taraqqiyotini o`zlashtirar ekanlar, tadbirkorlar bir narsani bilishlari lozim: bozor tuzilmasiga kirishga intiq bo`lgan tadbirkorlardan faqat 10-15%igina muvaffaqiyatga erishadilar.
Muvafaqqiyatga faqat o`zining ijodiy jihatdan iste‘dodini ifodalash hissi kuchli bo`lgan, doimo odamlarni, ularning ehtiyojlari va qiziqishlarini o`rganadigan, odamlarning ishonchini qozonishga intiladigan, vijdonli va axloqli, tinimsiz ma‘naviy hamda kasbiy komillikni o`zida namuna sifatida ko`rsatadigan, va oxir oqibat,boshqaruv mahoratining yuqo yuqori ko`rsatkichi bo`lmish – odamlardagi intellektual faoliyatni ocha biladigan odamlargina erishadilar. Bu haqiqiy tadbirkorning xususiyatlaridir.