Касбий қайта тайёрлаш йўналиши

4-амалий машғулот: “Қисқа муддатли гуруҳларда “Билимдон” 
дастури асосида таълим –тарбия жараёнини режалаштириш”. 
Ишнинг мақсади: Тингловчиларда “Билимдон” дастурининг мақсади, 
вазифаси, омил ва тамойиллари,режалаштириш, болаларни кузатиш ва 
баҳолаш, ота-оналар билан ҳамкорлик ишлари бўйича мустақил изланиш 
қобилияти, тадқиқотчилик ва изланувчанлик фаолиятига тайёргарлик,
5-7 ёшдаги болага қўйиладиган йўналишлар кўрсаткичлари таҳлилини олиб 
бориш кўникма ва малакасини ривожлантириш. 
 

---

164 
Болалар ривожланишидаги ижобий ўзгаришларни 
 кузатиш ва баҳолаш 
Кузатиш болалар ривожланишидаги ижобий ўзгаришларни уларни 
табиий шароитда (уйда, гуруҳда, очиқ майдончада), кун давомида турли вақтда, 
бутун йил давомида ҳамда тўпланган маълумотларни ҳужжатлаштириб борган 
ҳолда баҳолашнинг энг ишончли усули ҳисобланади. Педагогнинг иши айнан 
педагогик кузатувдан бошланиши зарур, чунки у болани тушунишга, болани 
тушунишдан эса – у ва оила аъзолари билан ўзаро алоқаларнинг энг мақбул 
стратегиясини танлаб олиш имкониятини яратади. 
Кузатиш – бу боланинг ишлаётган ёки ўйнаётган пайтида, унинг 
фаолиятига аралашмаган ҳолда уни кузатиш жараёнидир. Педагог болани 
кузатиш орқали хатти-ҳаракатининг тури, билим олиш бўйича қизиқишлари, 
кўникмалар даражаси ва ривожланишидаги ижобий ўзгаришларни аниқлайди. 
Ҳужжатлаштириш- бола фаоллигини кузатиш натижалини қайд 
этиш жараёни. 
Қайд этиш – кузатилаётган фаоллликни ҳужжатлаштириш жараёни. 
Аксарият педагоглар бу ишни табиий равишда амалга оширса ҳам, болаларни 
мунтазам кузатиш тўлиқ маълумот тўплаш имкониятини беради. 
Кузатиш мақсадлари: 
Ҳар бир боланинг қизиқишлари, эҳтиёжлари ва кўникмаларини 
аниқлашга, 
кузатиш 
болаларни 
шахс 
сифатида 
билишни, 
уларда 
интилувчанлик рағбатлантириш ва билим олишга бўлган эҳтиёжларини тўлиқ 
қондиришга ёрдам беради.