Касбий қайта тайёрлаш йўналиши

6-7 ёшда «Ижод» йўналишининг «Тасвирий фаолият» бўйича ўқув 
йили охирида болада қуйидаги билим ва малакалар ҳосил бўлиши лозим: 
атроф-олам ва бадиий асарлар асосида якка ҳамда жамоа бўлиб расмлар чизади; 
расм чизишни хомаки қолипдан бошлайди; расм солишда турли материаллар 
(қалам, гуаш, акварел, бўр, табиий бўёқлар) ва тасвирий усуллардан 

---

159 
фойдаланади; расмда содда ҳаракатларни тасвирлайди; техник кўникмалар 
ҳақида тасаввурга эга; аслидан ва тасаввур орқали буюмларнинг характерли 
белгиларини, шаклини, ҳажмини тасвирлай олади; маиший турмуш буюмлари 
ва ўйинчоқ силуэтларига миллий безакли амалий санъат йўналиши бўйича 
нақшлар чизади; битта рангнинг турли тусларини бера олади; декоратив расмга 
хос элементлар номини билади; буюмга хос шакл ва ҳаракатни ўзаро 
уйғунликда ясай олади; икки-учта тасвирдан мавзули композиция, бўртма нақш 
усулида декоратив композиция тузади; турли буюмлар тасвирини қирқади; 
миллий безакли амалий санъат ҳақида тушунчага эга; қат-қат қилиб тахланган 
қоғозни қирқади ёки қайчисиз йиртиб олади ва турли шаклларни ясайди; 
аппликациянинг турли йўналиш (қайчисиз, елимсиз)ларидан фойдаланади; 
биноларни ундан фойдаланиш шартига мувофиқ жиҳозлайди; буюм 
конструкциясини кузатади ва амалий мақсад асосида таҳлил қилади; расм ва 
оғзаки йўриқнома бўйича ёғоч ёки пластмасса конструктордан ўйинчоқ 
моделлар ясайди; ўйинчоқ тайёрлашда тайёр андозалардан фойдаланади; 
оригами усулида турли нарсалар ясайди;
- 
елим идишлар, бўш қутилардан ўйинчоқ ва жиҳозлар ясайди; қоғоздан 
турли оддий конструкциялар ясайди; тасвирий фаолиятда ноанъанавий 
усуллардан фойдаланишни билади; жамоада мустақил ишлай олади; ўз иш 
жойини тайёрлайди, тартиб билан ишлайди, тоза тутади, йиғиштиради, ишдан 
сўнг қўлларини совун билан тозалаб ювади каби.
Ушбу дастур болани шахс сифатида шакллантиришда, мактабгача 
таълим самарадорлигини оширишда, бу жараёнга ота-оналарни ҳамкорлик 
асосида жалб қилишда, Ватанимиз равнақига ўз ҳиссасини қўшадиган, 
халқимиз манфаатлари учун хизмат қила оладиган инсонни вояга етказишда 
муҳим аҳамият касб этади.