Касалликлари ва зараркунандаларига қарши

Ғалла нематодасига қарши кураш чоралари қуйидагилар: Ўсимликларга кимёвий воситалардан Мокап препарати билан ишлов бериш (помидорга 80 кг/га ва бодрингга 60 кг/га), яъни бу препаратни экишдан 10-
15 кун аввал механик йўл билан тупроққа қўшилади Иссиқхоналарда тупроқни зарарланмаганига алмаштириш, алмашлаб экиш, зарарланган экин турига камида 4 йилдан сўнг қайтиш, ўсимлик қолдиқларини олиб ташлаш, ерни чуқур хайдаш, тупроқни термик усулда зарарсизлантириш.

Кўк қурт тунлами

Бу зараркунанда тупроқнинг ичида бўлади, унга қарши трихограммалар орқали курашилади ва улар кўпинча 3 марта қўлланилади. Кимёвий дорилардан эса Децис 5литр/га миқдорида ишлатилади.

Сим қурти

Бу турдаги зараркунанда 3-4 йилда бир марта авлод беради ва личинка хамда қўнғиз турларида бўлади. Унга қарши Децис ишлатилади.

Полиз шираси

Улар тухум қўймасдан, 18-20 мартагача туғилиб, кўпаяди. Полиз ширасига қарши БИ-58 дан 1,5 литр/гектаргача ёки Конфидордан 300 грамм/гектар хисобидан 600 литр сувга солиб пуркалади.

Карам куяси

Бу зараркунанда асосан эртаки ва ўрта муддатларда етиладиган карамларга зарар етказади, карамнинг баргларига жойлашиб олиб, уларни ейди, натижада баргларда тешикчалар пайдо бўлади. Унга қарши Сумма Альфа (0,5 литр/гектар) ёки Дельтафос (1 литр/гектар) дан фойдаланиш мумкин.

Карам оқ капалаги

Бу хашорот ўсимликни батамом еб қўяди ва ғумбак шаклида қишлайди. Унга қарши курашиш учун Конфидор, Адонис ва Моспиланлардан фойдаланиш мумкин.

Сабзи пашшаси

Унинг ранги қора бўлиб, бош қисми сариқ рангда бўлади. У ғумбак шаклида тупроқда қишлайди, личинкалари эса сақланган махсулот ичида бўлади. Май ойининг охирида пашшалар сабзининг илдиз қисми ёнларида оқ рангли тухумлар қўядилар. Улардан чиққан личинкалар илдиз ичига кириб олиб, уни ея бошлайдилар. Личинкалар бундан холда 27-30 кун бўлиб, сўнгра тупроққа қайтиб, ғумбакка айланадилар. Август ойи бошларида эса пашшаларнинг кейинги авлоди пайдо бўлади. Бу хашорот намли ва салқин жойларни ёқтиради, шунинг учун сабзини қуёш тушадиган, очиқ, хаво яхши айланадиган ва сув хавзаларидан узоқроқ жойларга экиш мақсадга мувофиқ бўлади. Пашшага қарши тупроққа кул сепилиб, чопиқ қилинади. Сабзи пашшасига қарши пиёз пўстининг дамламасини хам ишлатиш мумкин. Бунинг учун 400 грамм пиёз пўстини 10 литр сувга солиб, иссиқ жойга бир сутка қўйиб қўйилади. Сўнгра фильтрланган эритмани униб чиқаётган сабзи майсаларига пуркалади. Август ойида бу амал яна бир марта қайтарилади. Эритма олиш учун ишлатилган пиёз пўстини ташлаб юборилмайди - уни ҳам сабзи ариқларига ва ўсимлик оралиқларига сочиб чиқилади. Бу пашшани хайдаш учун хизмат қилади.

4.