Касалликлари ва зараркунандаларига қарши

Илдиз қурти ва сим қурти

Узунлиги 16-20 мм ли, қанотларини ёйганда 35-45 мм ли йирик капалак. Қуртларининг узунлиги 50 мм, ранги тупроқсимон кулранг, қуртлари тупроқда қишлайди, баҳорда қўғирчоқланиб, май ойида капалаклари учиб чиқади. Улар 2000 тагача тухум қўйиши мумкин. Бу тухумлардан 10-15 кундан сўнг қуртлар чиқади ва ўсимликнинг томирлари хамда новдаларини кемириб, уларга зарар келтира бошлайди. Симқурт аввалида оқ, кейинроқ
сариқ, сариқ-қўнғир рангда бўлиб, узунчоқ бўлади. У бодринг, помидор, карам, қулупнай ва бошқа экинларнинг томирларини зарарлайди.
Илдиз қурти ва симқуртга қарши кураш чоралари қуйидагилар: Бегона ўтларни йўқотиш, капалаклар учун қопқонлар қўйиш, Арриво, Децис, Циткор каби препаратлар билан ишлов бериш.

Оқ қанот

Оқ қанотнинг қанотчалари оқ, танаси сарғиш, узунлиги 0,5-1,5 ммгача бўлади. Личинкалари ясси, чузинчоқ-овал, тиканчалар ва мумсимон ажратмалар билан қопланган бўлади. Личинкалар ва катта хашоратлар барг шарбатини сўради ва ширинча ажратиб чиқаради, баргларни ифлослайди ва хосилдорликни сезиларли даражада камайтиради. Личинкалари харакатсиз бўлиб, аста-секинлик билан каттароқ хашоратга айланади. Модаси 25-30 кун яшайди ва 130 тагача тухум қўяди. Мавсум давомида 4-5 тагача авлод қолдиради. Баргларга жойлашиб олиб, личинкалари зарар етказади, уларнинг ширасига замбуруғлар жойлашиб олади. Биологик препаратлардан Трихофорус личинкаларга тухум қўяди ва уларни ўлдиради.
Оқ қанотга қарши кураш чоралари қуйидагилар: Мавсум оралиғида иссиқхоналарни совутиш, ниҳолларни экишдан аввал тутун парда хосил қиладиган шашкалар билан дезинфекция қилиш. Ўсимликларга Булдок, Арриво, Децис, Конфидор, Моспилан (350 грамм/гектар), Карбофос, Апплоуд (1 литр/гектар), Циткор ёки Калипсо препаратлари билан ишлов бериш.

Ширалар

Ширалар ҳам узунлиги 2,0-3,5 мм ли сўрувчи хашоратлар бўлиб, улар баҳорда тухумлардан личинкалар сифатида пайдо бўладилар. Личинкалар модага айланиб, янги личинкаларни дунёга келтиради ва улар янги қанотсиз шира колонияларини вужудга келтиради. Шираларнинг кўпайиш тезлиги жуда ҳам катта бўлиб, полиз шираси 14-20 авлод, карам шираси 16 тагача, яшил олма шираси 10-17 авлод қолдиради. Карам шираси карам ўраш даврида катта зарар етказади.