Касалликлари ва зараркунандаларига қарши

Чирмовуқка қарши кураш чоралари қуйидагилар: Чирмовуқ аломатлари пайдо бўлган узумзорлар тупроғи баҳорда, уруғлар унадиган вақтда 2-3 марта юмшатилади. Токларга илашган чирмовуқлар бирор-бир идишга йиғилади ва ёқиб юборилади ёки ерга чуқур қилиб кўмилади.

Манзарали экинлар

Занг касалликлари

Бу касаллик билан чинни гул, атиргуллар, хризантема, ирис, гулхайри, пион (саллагул) ва бошқа экинлар зарарланиши мумкин. Ўсимлик барглари ва шохчаларида аввал пушти рангли, сўнгра жигарранг кўринишда доғли ғуборлар пайдо бўлади. Натижада новда ва барглар қурийди, шохлари синади, ўсимлик сўлиб қолади ва нобуд бўлади. Касаллик ривожланишига ортиқча намлик, азотнинг кўплиги, фосфор ва калий етишмаслиги сабаб бўлади. Касалликка қарши кураш чоралари қуйидагилар: Касаллик аломатлари бор бўлган ўсимлик қолдиқларини ва кучли зарарланган ўсимликларни йўқотиш, экинларни қалин экмаслик, хоналарнинг хавосини тез-тез алмаштириш, микроэлементлар билан озиқлантириш, 1% ли Бордосс суюқлиги, Хом, Топаз, Альто, Тиовин, Кумулус препаратлари билан ишлов бериш.

Унли шудринг касаллиги

Бу касаллик билан атиргул, саллагул, флокс, хризантема ва бошқа манзарали ўсимликлар зарарланиши мумкин. Ушбу касаллик билан оғриган ўсимликнинг барча ер устки қисмларида ўргимчок тўрисимон оқ ис бўлиб, кейинчалик у унсимон, кулранг ёки қўнғир бўлиб қолади. Барглар эса эгилиб-букилиб, деформацияга учрайди ва тўкилади, новдалар қийшаяди.
Касалликка қарши кураш чоралари қуйидагилар: Касаллик аломатлари бор бўлган ва зарарланган новдаларни қирқиш, туюлган олтингугурт билан чанглатиш, коллоидли олтингугурт, Тиовит, Фундазол, Топаз, Байлетон ёки Топсин преператлари билан ишлов бериш.

Қора сон касаллиги

Ўсимлик нихолларида томир олди бўғини қораяди ва чирийди, новдаси ингичкалашади ва қурийди. Касалликнинг тарқалишига намликнинг ошиши, хавонинг яхши айланмаслиги, тупроқнинг оғирлиги ва юқори харорат каби бир қанча факторлар сабаб бўлади. Касалликка қарши кураш чоралари қуйидагилар: Касаллик аломатлари пайдо бўлаётган ниҳолларга 0,2% ли Фундазол ёки 0,2% ли Марганцовка эритмасини пуркаш ёки тагига қуйиш яхши натижаларга олиб келиши кузатилган.