Касалликлари ва зараркунандаларига қарши

Қалқондорларга қарши кураш чоралари қуйидагилар: Касаллик аломатлари бор жойларда эрта баҳорда дарахтлар куртак чиқаргунча 30- рақамли препарат билан ишлов бериш керак. Вегетация даврида Децис (сапсарига қарши), Карбофос ёки БИ-58 ишлатиш мумкин.

Колорадо қўнғизи

Бу қўнғиз тури картошка, баклажон, помидор каби ўсимликларни зарарлайди. Қўнғизнинг узунлиги 10-17 мм бўлиб, сариқ қанот қалқонларида 10 та қора чизиқлари бор. Икки қатор қора сўгаллари билан личинкасининг узунлиги 16 мм гача, ранги пушти-сариқ. Қўнғиз тупроқда қишлайди ва ёз давомида 3 тагача авлод беради. Баҳорда харорат 13-15 градусга кўтарилса, қўнғизлар ўрмалаб чиқишади ва барглар билан озиқлангандан сўнг, гурух бўлиб пушти рангдаги тухумлар қўйишади. Модаси 2000 тагача тухум қўяди. Бир хафтадан кейин личинкалари чиқади. Колорадо қўнғизига қарши курашилмаса, 25 дона қўнғиз атиги 2-3 кунда картошкани танасигача еб тугатиши мумкин. Агарда картошка экилган майдон ёнида баклажон ёки помидор экилган бўлса, қўнғиз уларни ҳам еб тугатади. Шунингдек бу қўнғиз жуда узок умр кўради, чунки у ер остига кириб, тухум қўяди ва тухумлар баҳорда, иссиқда ривожланиб, ўсимликларни ейди. Қўнғиз ер остида 3 йилгача умр кўриши мумкин.
Колорадо қўнғизига қарши кураш чоралари қуйидагилар: Қўнғизларни тутиш ва йўқ қилиш ёки қуйидаги препаратлар билан ишлов бериш керак бўлади: Адонис (300 грамм/гектар), Каратэ, Булдок, Арриво, Бецис, Конфидор, Моспилан, Цимбуш, Кинмикс, Фенкилл, Фьюри, Регент (25-30 грамм/гектар) ва Циракс.

Унсимон қуртлар

Бундай қуртлар узум, анжир, анор, хурмо ва кўплаб манзарали экинларни зарарлайди. У майда сўрувчи хашорат бўлиб, ўлчами 4 мм гача, модаси овал,
сарғиш-жигарранг, мумсимон ажратмалар билан қалин қопланган. Зарарланган барглар сарғаяди ва тўкилади, мева ва барглар ширали ажратмалар билан ифлосланади, улар қораяди, узум шингиллари қуриб қолади. Қурт мавсум давомида 3-4 марта авлод беради. Катта хашоратлар қобиқ остида ва ёғоч кавакларда қишлайди.