Касалликлари ва зараркунандаларига қарши

Доғланишлар пайдо бўлиши

Ўсимликларнинг баргларида ва шохчаларида турли шакл, катталик хамда ранглардаги доғлар пайдо бўлади. Вақт ўтиши билан улар катталашади ва бири-бирига қўшилиб кетади. Бу эса ўсимликнинг барвақт нобуд бўлишига олиб келади. Касалликка қарши кураш чоралари қуйидагилар: Экиш материалини 2% ли Фундазол, 0,4% ли Хом препаратлари билан 40-60 минут давомида дорилаш (уруғларга 10 минут кифоя). 12-14 кун оралатиб, 0,4% ли Хом препарати билан 3 марта ишлов бериш хҳм ижобий натижаларга олиб келиши кузатилган.

Манзарали экинлардаги вирус касалликлари

Бу касаллик билан оғриган манзарали ўсимликларнинг баргларида, новдаларида ва меваларида тўқималарнинг очроқ рангда бўлиши,
штрихсимон оралиқ доғлар бўлиши кузатилади. Натижада ўсимлик кучсиз бўлиб қолади, уруғ бермайди ва кўпинча касаллик уни бевақт нобуд қилади.
Касалликка қарши кураш чоралари қуйидагилар: Зараркунандалар ва бегона ўтларга қарши аёвсиз кураш олиб бориш, касал кўчатларни зудлик билан йўқотиш, фойдаланиладиган асбоб-ускуналарни, гулқайчиларни ўсимликларга форма бериш, хомток қилиш ва кесиш пайтида албатта дезинфекция қилиш, экиш материалини эса соғлом ўсимликлардан тайёрлаш вирус касалликлардан қутулиш имконини бериши хаётда кўп марта исботланган.

3. Зараркунандаларнинг турлари

Ўзбекистон сабзавот экинларини етиштириш учун энг қулай жойлардан бири бўлса ҳам, у зараркунанда ва хашоротларнинг кўпайиши, ривожланиши ва тарқалиши учун ҳам жуда қулай худуд хисобланади. Айниқса, бундай кулай шароитларда тезкорлик билан кўпайиб, ўсимликка катта зарар етказувчи зараркунандалар – тамаки трипси, ўргимчаккана, оқ қанот, ширалар, карам куяси, оқ капалак, кўк қурт тунлами, сим қурти ва шарқ меваҳўри хосилдорликни 35-45% гача камайтиришга олиб келиши мумкин. Шунинг учун бундай зараркунандаларга барҳам бериш, уларга қарши самарали курашиш учун уларни жуда яхши билиш ва тушуниш хамда барча керакли химоя тадбирларини ўз вақтида ўтказиш сифатли махсулот олишнинг гаровидир.